Türkiyə millisinin futbolçusu Çempionlar Liqasında yeni rekordlara imza atıb
Far.Az xəbər saytı

Türkiyə millisinin futbolçusu Çempionlar Liqasında yeni rekordlara imza atıb


İtaliyanın "Yuventus" klubunda çıxış edən Türkiyə millisinin futbolçusu Kenan Yıldız UEFA Çempionlar Liqasında (ÇL) yeni rekordlara imza atıb.

"Report"un məlumatına görə, hücumçu buna Niderlandın PSV komandasına qalib gəldikləri (3:1) Liqa mərhələsinin I turunun matçında fərqlənməklə nail olub.

Qarşılaşmada hesabı açan forvard Alessandro Del Pyeronun rekordunu qırıb. O, Turin təmsilçisində bu turnirdə ən gənc yaşda (19 yaş 136 gün) qol vuran oyunçu adına sahib çıxıb. İtaliya millisinin sabiq üzvü 1995-ci ildə Almaniyanın "Borussiya" (Dortmund) klubunun qapısına 20 yaş 308 günündə yol tapıb.

Bundan əlavə, Kənan Yıldız Türkiyənin də tarixinə düşüb. O, Cengiz Ünderi (20 yaş 222 gün) geridə qoyaraq ÇL-də bu ölkənin ən gənc qolçusu olub.

Nəhayət, hücumçu ÇL-də mövsümün ilk qolunu vuran ən gənc futbolçudur. Əvvəlki rekord 1992/1993 mövsümündə Belçikanın "Brügge" komandasında çıxış edən Daniel Amokaçiyə (19 yaş, 331 gün) məxsus olub.

Oxşar xəbərlər

UEFA Millətlər Liqası: Azərbaycan yığması İsveçə məğlub olub - YENİLƏNİB - 7
UEFA Çempionlar Liqası: Liqa mərhələsində I turun ilk oyun günü başa çatıb - YENİLƏNİB
İtaliyanın Baş naziri Prezident İlham Əliyevlə görüşüb - YENİLƏNİB-2
"Qarabağ" UEFA Çempionlar Liqasında mübarizəni dayandırıb - YENİLƏNİB - 5
UEFA Çempionlar Liqası: "Qarabağ" "Dinamo"ya məğlub olub - YENİLƏNİB - 6

Ən son xəbərləri bizim

"Facebook" səhifəmizdə izləyin

Digər xəbərlər