Tovuzda da 4 nəfər zəhərləndi - Son durum

Tovuz rayonunda dəm qazından zəhərlənən şəxslərin vəziyyəti açıqlanıb.

BAKU.WS xəbər verir ki, bu barədə Oxu.Az-ın sorğusuna cavab olaraq Tovuz Rayon Mərkəzi Xəstəxanasından (RMX) məlumat verilib.

Qeyd olunub ki, bu gün saat 00:50-də dəm qazı zəhərlənməsi şübhəsi ilə dörd nəfər RMX-yə hospitalizasiya edilib:

"Həmin şəxslərə dəm qazı zəhərlənməsi diaqnozu qoyulub. Pasiyentlərin hər birinə zəruri tibbi yardım göstərilib və onlar ambulator müalicə üçün evə buraxılıblar".

Xatırladaq ki, 1955-ci il təvəllüdlü S.Həsənov, 1989-cu il təvəllüdlü E.Həsənov, 1960-cı il təvəllüdlü G.İbrahimova və A.Həsənova zəhərlənmə əlamətləri ilə xəstəxanaya yerləşdirilmişdilər.

***09:47

Tovuz rayonunda dəm qazından zəhərlənmə faktı qeydə alınıb.

BAKU.WS APA-ya istinadən xəbər verir ki, hadisə rayon ərazisində baş verib.

Belə ki, 1955-ci il təvəllüdlü S.Həsənov, 1989-cu il təvəllüdlü E.Həsənov, 1960-cı il təvəllüdlü G.İbrahimova və A.Həsənova zəhərlənmə əlamətləri ilə xəstəxanaya yerləşdiriliblər. Zərərçəkənlərə dərhal tibbi yardım göstərilib, onların vəziyyətinin kafi olduğu bildirilir.

Məlumata görə, zəhərlənən şəxslərdən S.Həsənov və A.Həsənova Bakı şəhərindən Tovuza qonaq gediblərmiş.

Hadisə yerinə aidiyyəti qurumların əməkdaşları cəlb olunublar. Faktla bağlı araşdırma aparılır.