Havanın kəskin soyuması ilə birlikdə virus və soyuqdəymə halları da artır. Mütəxəssislər bildirir ki, qış aylarında düzgün meyvə seçimi immunitetin zəifləməsinin qarşısını almaqda mühüm rol oynayır.

Far.Az-in məlumatına görə, xüsusilə dekabr, yanvar və fevral aylarında C vitamini və antioksidantlarla zəngin meyvələrin qəbulu orqanizmin xəstəliklərə qarşı müqavimətini artırır.

Qış mövsümündə ən çox tövsiyə olunan meyvələr sırasında portağal, mandarin, limon və qreypfrut kimi sitrus meyvələri yer alır. Bu meyvələr immun sistemini gücləndirməklə yanaşı, boğaz ağrısı və soyuqdəymə riskini də azaldır.

Alma isə bağırsaq fəaliyyətini tənzimləyərək immunitetin möhkəmlənməsinə kömək edir və uzun müddət saxlanıla bildiyi üçün qış üçün ideal hesab olunur.

Mütəxəssislərin sözlərinə görə, armud boğaz quruluğu və öskürəyin azalmasına, banan isə soyuq havalarda yaranan halsızlığın aradan qalxmasına yardım edir.

Kivi yüksək C vitamini tərkibi ilə immuniteti sürətlə gücləndirən meyvələrdən biri kimi seçilir. Nar güclü antioksidant təsiri sayəsində orqanizmi viruslardan qoruyur, ananas isə iltihabəleyhinə xüsusiyyətləri ilə tənəffüs yollarına müsbət təsir göstərir.

Qeyd olunur ki, meyvələrin təzə halda, mümkün olduqda qabığı ilə yeyilməsi və gün ərzində kifayət qədər su içilməsi onların faydasını daha da artırır. Düzgün qidalanma və mövsümə uyğun meyvə seçimi qış aylarında xəstəliklərdən qorunmağın ən sadə və təsirli yollarından biridir.

Oxşar xəbərlər

Ağsu dolaylarındakı son durum: Sürüşmə riskini azaltmaq üçün tədbirlər görülür

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Həyatda yaxşı şeyləri niyə görmürük? - Tanınmış simaların FİKİRLƏRİ

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib