"Qarabağ" UEFA Çempionlar Liqasının liqa mərhələsində keçirdiyi son qarşılaşmada yalnız meydandakı uğuru ilə deyil, maliyyə baxımından da diqqət çəkib.

BAKU.WS-in məlumtına görə, Ağdam təmsilçisi doğma arenada Almaniyanın "Ayntraxt" klubunu məğlub etməklə növbəti əhəmiyyətli qazanca imza atıb. Bu qələbə Qurban Qurbanovun rəhbərlik etdiyi komandaya 2,1 milyon avro, yəni təxminən 4,2 milyon manat mükafat gətirib.

Xatırladaq ki, "Qarabağ" bundan əvvəl Çempionlar Liqasının liqa mərhələsində "Benfika" və "Kopenhagen" üzərində qalib gəlib, "Çelsi" ilə qarşılaşmadan isə bir xalla ayrılıb. Bu nəticələr sayəsində komanda turnirdə aktivinə 10 xal yazdırıb.

Nəticədə Ağdam klubu Çempionlar Liqasındakı çıxışından ümumilikdə 7 milyon avro (təqribən 13,9 milyon manat) gəlir əldə edib.

Qeyd edək ki, UEFA-nın 2025/26 mövsümü üçün müəyyənləşdirdiyi mükafat mexanizminə əsasən, liqa mərhələsində iştirak edən klublar start haqqı ilə yanaşı, hər oyunun nəticəsinə görə əlavə bonus qazanırlar. Belə ki, qələbə 2,1 milyon avro, heç-heçə isə 700 min avro məbləğində mükafatla qiymətləndirilir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4