Bakı buxtasının (Dənizkənarı bulvarın) təmizlənməsi və ekoloji vəziyyətinin yaxşılaşdırılması məqsədilə dəniz suyunun çəkilməsi nəticəsində sahilə yaxın ərazilərdə üzə çıxmış metal konstruksiyaların kənarlaşdırılmasını nəzərdə tutan təxirəsalınmaz tədbirləri əhatə edən Tədbirlər Planının hazırlanması tapşırılıb.

"Report" xəbər verir ki, bu barədə Nazirlər Kabinetində Baş nazirin sədrliyi ilə keçirilən iclasda məlumat verilib.

Tədbirlər Planına həmçinin hövzəyə çirkab suların axıdılmasının qarşısının alınması, suyun səthində üzən neft ləkələri və müxtəlif tullantıların, eləcə də ətraf ərazilərdə neftlə çirklənmiş torpaqların təmizlənməsi daxildir.

Qeyd edək ki, iclas "Xəzər dənizində müxtəlif təyinatlı qəzalı və yararsız vəziyyətdə olan hidrotexniki qurğuların, o cümlədən qəzalı vəziyyətdə olan və ləğv edilmiş quyuların təkrar ləğvi və izolyasiyası, estakadaların, yanalma körpülərinin, platformaların, habelə batmış və yarımbatmış gəmilərin çıxarılması və digər reabilitasiya işlərinin həyata keçirilməsinə dair 2025–2030-cu illər üçün Kompleks Tədbirlər Planı"nın icrası, həmçinin Bakı buxtasının ekoloji vəziyyətinin yaxşılaşdırılması məsələlərinə həsr olunub.

Oxşar xəbərlər

Nazirlər Kabinetində Xəzərin və Bakı buxtasının ekoloji vəziyyətinə dair iclas keçirilib

İlham Əliyevin sədrliyi ilə Bakı və Abşeronda su təchizatına dair Dövlət Proqramına həsr olunan müşavirə keçirilib - YENİLƏNİB

Leyla Əliyeva, Arzu Əliyeva və Alena Əliyeva Lənkəranda ekoloji aksiyalarda iştirak ediblər

Baş nazir: Uzun müddət antropogen təsirlərin davam etməsi nəticəsində Bakı Buxtasında çirklənmə dərinləşir

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2