ABŞ-nin Kaliforniya ştatının Los-Anceles şəhərində İmmiqrasiya və Gömrük Mühafizəsi (ICE) qurumunun qeyri-qanuni miqrantlara qarşı həyata keçirdiyi tədbirlərə etiraz edən onlarla şəxs saxlanılıb.

BAKU.WS xəbər verir ki, Los-Anceles Polis Departamentinin məlumatına görə, şəhər mərkəzində keçirilən etiraz aksiyalarının ikinci gecəsində təxminən 50 nəfər nəzarətə götürülüb. Saxlanılan şəxslərin polisə müqavimət, vandalizm və təhlükəli əməllərdə iştirak etdikləri iddia olunur.

Sosial şəbəkələrdə yayılan görüntülərdə etirazçılarla polis arasında gərginliyin artdığı, hüquq-mühafizə orqanlarının isə dəyənək və gözyaşardıcı vasitələrdən istifadə etdiyi əks olunub.

İki gündür davam edən aksiyalar zamanı etirazçılar ICE əməkdaşlarının şəhəri tərk etməsini və ölkə üzrə miqrantlara qarşı sərt saxlanma siyasətinin yumşaldılmasını tələb edirlər.

Qeyd edək ki, son həftələrdə Minnesota ştatında ICE əməliyyatları zamanı baş verən ölüm hadisələri də ölkə üzrə etirazlara səbəb olub.

Oxşar xəbərlər

Ermənistan vətəndaşlarının məhkəməsində prokurorların təklifləri səsləndirilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Heydər Əliyev Mərkəzində "ART Weekend" festivalının rəsmi açılışı olub

Prezident İlham Əliyev Xankəndi şəhərində Zəfər parkının açılışında iştirak edib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib