ABŞ və müttəfiqlərinin İrana bütün təhdidlərinə baxmayaraq, Tehranda Rusiya-İran hökumətlərarası komissiyasının iclasına hazırlıq görülür.

"Far.Az" Rusiya mediasına istinadən xəbər verir ki, bu barədə Rusiyanın Xarici İşlər Nazirliyi (XİN) məlumat yayıb.

"Hazırda ABŞ-nin, İsrailin və Qərb ölkələrinin Tehrana davam edən təhdid və şantajına baxmayaraq, ikitərəfli ticarət-iqtisadi əməkdaşlıq üzrə birgə komissiyamızın növbəti iclasının İranın paytaxtında keçirilməsinə intensiv hazırlıq gedir", - məlumatda qeyd edilib.

Qurum vurğulayıb ki, İran ərazisinə yeni hərbi zərbələr endirmək təhdidləri qəbuledilməzdir.

"2025-ci ilin iyun ayında İrana təcavüzün təkrarı üçün iğtişaşlardan bəhanə kimi istifadə imkanını nəzərdən keçirənlər bu cür addımların Yaxın və Orta Şərqdə, həmçinin qlobal beynəlxalq təhlükəsizlik üçün mənfi nəticələrini dərk etməlidirlər", - Rusiya XİN-in məlumatında deyilir.

Oxşar xəbərlər

Ağsu dolaylarındakı son durum: Sürüşmə riskini azaltmaq üçün tədbirlər görülür

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib

Vətən müharibəsində Qələbənin beşinci ildönümünə həsr olunmuş Hərbi parad keçirilib

Bişkekdə TDT ölkələri hökumət başçılarının iclası olub, Birgə Bəyanat qəbul edilib

Azərbaycan-Qırğızıstan Hökumətlərarası Komissiyasının 6-cı iclası keçirilib