İlon Mask SpaceX və süni intellekt şirkəti xAI-nin rəsmi şəkildə birləşdirildiyini açıqlayıb. Bu addım SpaceX-i təkcə raket buraxan şirkət deyil, Yer kürəsində və kosmosda süni intellekti geniş miqyasda tətbiq etməyi hədəfləyən qlobal texnologiya mərkəzinə çevirir.

BAKU.WS xarici KİV-ə istinadən xəbər verir ki, Mask yeni qurumu "ən iddialı və tam inteqrasiya olunmuş innovasiya sistemi" kimi xarakterizə edib. Birləşmə çərçivəsində raket texnologiyaları, peyk interneti və süni intellekt vahid strukturda birləşdiriləcək.

Layihənin əsas ideyası süni intellektin artan enerji tələbatını kosmosda qarşılamaqdır. Mask Yer üzündə enerji məhdudiyyətlərinin ciddi problem yaradacağını bildirir. Orbitə yerləşdiriləcək məlumat mərkəzləri vasitəsilə günəş enerjisindən istifadə ediləcək və Yer üzündəki elektrik şəbəkəsinə düşən yük azalacaq.

Bu məqsədlə SpaceX orbitdə süni intellekt əsaslı superkompüterlər üçün bir milyon peykin buraxılması ilə bağlı müraciət edib.

Orbitdəki məlumat mərkəzlərindən əldə ediləcək gəlirin Ay bazalarının və Marsda daimi insan məskənlərinin maliyyələşdirilməsinə yönəldilməsi planlaşdırılır. Beləliklə, süni intellekt Maskın çoxplanetli sivilizasiya vizyonunun əsas dayağına çevriləcək.

Qeyd olunur ki, bu birləşmə SpaceX-in planlaşdırılan IPO prosesi öncəsi şirkətin dəyərini əhəmiyyətli dərəcədə artıra və bazar qiymətini 1 trilyon dollardan yuxarı qaldıra bilər.

Oxşar xəbərlər

Dərnəgüldə yanan obyektin malları daşınır

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Ötən ilin "yaşıl enerji" gündəminə baxış - TƏHLİL

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib