Sosial şəbəkələrdə ifaları ilə tanınan Raul Hüseynov artıq minlərlə izləyicinin sevgisini qazanıb. Onun paylaşdığı videolar milyonlarla baxış toplayır.

Baku TV 12 yaşlı xanəndə Raul Hüseynovun evindən reportaj hazırlayıb.

İfaçı musiqi ilə uşaqlıqdan sıx bağlı olduğunu deyib:

"Muğamla böyümüşəm. Uşaq vaxtı muğamsız yatmırdım. Mən bu musiqinin içində doğulmuşam".

Musiqi ilə yanaşı, Raulun ən böyük maraqlarından biri də futboldur. O, xüsusilə "Qarabağ" futbol klubunun sadiq azarkeşidir:

"Futbolu çox sevirəm. Əsl "Qarabağ" fanatıyam. Klubda oynayan, adını çəkmək istəmədiyim bir futbolçu var, ona bir fenomen olaraq deyirəm ki, yaxşı oyna, özünü sıxma. Elə etmə ki, bir də "Qarabağ"ın oyunlarına baxmayım".

Raul Hüseynov Rusiyada doğulub-böyüsə də, üç il əvvəl ailəsi onun arzusu ilə Bakıya köçüb. Səbəb isə tanınmış sənətkar Aybəniz Haşımovadan dərs almaq istəyi olub:

"Onun dərs üslubunu, ən əsası özünü çox sevirəm. Məhz ona görə Bakıya köçdük".

Oxşar xəbərlər

Heydər Əliyev Fondunun dəstəyi ilə alınan musiqi alətlərinin təqdimatı olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Arda Gülerin paylaşdığı foto bütün dünyada viral oldu

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib