Astarada torpaq sürüşməsi baş verib.

Far.Az report-a istinadən xəbər verir ki, torpaq sürüşməsi rayonun Vaqo kəndində baş verib.

Sürüşmə nəticəsində çay kənarındakı beton bəndlər dağılıb. Nəticədə kənd yolunun bir hissəsi də dağılıb.

Vəziyyətlə bağlı əraziyə aidiyyəti qurumların nümayəndələri cəlb olunub. Problemin aradan qaldırılması istiqamətində tədbirlər görülür, texnika vasitəsi ilə çayın məcrası dəyişdirilir. Astara Su Melorasiya sistemləri idarəsinin baş mühəndisi Fərid Yusifovun sözlərinə görə problemin aradan qaldırılması o qədər də asan deyil.

"Layihə İnstutunun və Dövlət Su Ehtiyatları Agentliyinin nümayəndələri ərazidə layihələndirmə işləri həyata keçirməlidirlər.Torpağın erroziyaya uğraması nəticədə 70-ci illərdə tikilmiş bust bəndlərin 17 ədədi çaya aşıb. Digər 5 bəndə də ciddi ziyan dəyib. Bununla bağlı məsələyə aydınlıq gətirmək üçün Astara Su Melorasiya sistemləri idarəsinin mütəxəssisləri əraziyə təhkim olunub. Hazırda idarənin ekskovatoru ilə çay məcrasının səmti dəyişdirilir ki, həmin əraziyə daxil olub, bust bəndlərin ətrafı təmizlənsin"

Sürüşmə səbəbindən ensizləşən yolda təhlükəsizlik tədbirləri görülür.

Qalereya

Oxşar xəbərlər

Ağsu dolaylarındakı son durum: Sürüşmə riskini azaltmaq üçün tədbirlər görülür

Astarada torpaq sürüşməsi olub, ərazidəki çayın məcrası dəyişdirilir

Horadiz–Cəbrayıl–Zəngilan–Ağbənd yolunun tikintisi 95 % icra olunub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2