Rusiyanın Baş Kəşfiyyat İdarəsinin (QRU) rəis müavini, general-leytenant Vladimir Alekseyevə sui-qəsddə iştirak edən şəxslərdən biri - Viktor Vasin Rusiyada qadağan olunmuş Korrupsiyaya Qarşı Mübarizə Fondunun tərəfdarıdır.

BAKU.WS xəbər verir ki, bu barədə Federal Təhlükəsizlik Xidmətinin mətbuat xidməti məlumat yayıb.

Qurumun bildirdiyinə görə, Polşa xüsusi xidmət orqanlarının dəstəyi ilə sui-qəsdin icraçısının cəlb olunmasında onun Polşa vətəndaşı olan oğlu iştirak edib. İcraçı Kiyevdəki poliqonda atıcılıq hazırlığı keçib.

Xüsusi xidmət orqanlarının məlumatına görə, 2025-ci ilin avqustunda Ternopolda icraçı Ukrayna kəşfiyyatı tərəfindən ələ alınıb. Bundan sonra o, Kiyev-Kişinyov-Tbilisi-Moskva marşrutu ilə Rusiya ərazisinə keçirilib.

Həmçinin müəyyən edilib ki, sui-qəsdin köməkçisi cinayətin sonradan törədildiyi binada mənzil kirayələyib və icraçıya binaya giriş üçün elektron açar təqdim edib.

FTX-nin məlumatına görə, sui-qəsd günü icraçı generalın liftin qarşısında görünməsini gözləyib və dörd dəfə atəş açıb. Bundan əlavə, qurum bildirir ki, təqsirləndirilən Lyubomir Korba Rusiya Silahlı Qüvvələrinin yüksək rütbəli hərbçilərini müşahidə edib və bunun müqabilində kriptovalyuta ilə aylıq ödəniş alıb.

Fevralın 8-də FTX əməkdaşları BƏƏ hakimiyyətinin köməyi ilə Korbanı Rusiyaya ekstradisiya ediblər. Eyni zamanda Moskvada Vasin saxlanılıb, onların qadın şəriki isə Ukraynada gizlənib.

Oxşar xəbərlər

Silahlı Qüvvələrin bir qrup hərbi qulluqçu təltif edilib

Prezident İlham Əliyev Əfv Sərəncamı imzalayıb

Heydər Əliyev Fondunun dəstəyi ilə alınan musiqi alətlərinin təqdimatı olub

Vətən müharibəsində Qələbənin beşinci ildönümünə həsr olunmuş Hərbi parad keçirilib

Bakıda Azərbaycan səhiyyəsi üçün önəmli tədbir keçirilib