"Biləsuvar" Günəş Elektrik Stansiyasının (GES) tikintisinə baxış keçirilib.

"Report"un Muğan bürosunun məlumatına görə, rayon rəhbərliyi və BƏƏ-nin "Masdar" baş icraçı direktoru Məhəmməd Cəmil əl-Ramahinin başçılıq etdiyi nümayəndə heyəti rayonda inşası sürətlə davam edən GES-də aparılan işlərlə yaxından tanış olublar.

Tədbirdə Bərpa Olunan Enerji Mənbələri Dövlət Agentliyinin direktoru Cavid Abdullayev və strateji tərəfdaş olan SOCAR-ın nümayəndələri də iştirak edib.

445 MVt gücündə olacaq nəhəng enerji obyektinin geniş tikinti sahəsinə yerində baxış keçirilərək mövcud vəziyyət müzakirə edilib.

"Masdar" şirkətinin nümayəndələri tərəfindən tikinti prosesində tətbiq olunan innovativ texnologiyalar barədə ətraflı məlumat təqdim olunub. Qeyd edilib ki, "Biləsuvar" GES Azərbaycanın yaşıl enerji strategiyasında ən mühüm və strateji nöqtələrdən biri kimi çıxış edəcək və layihə bölgənin ekoloji mühitinin qorunmasına, atmosferə atılan karbon emissiyasının ciddi şəkildə azaldılmasına böyük töhfə verəcək.

Oxşar xəbərlər

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər

Ötən ilin "yaşıl enerji" gündəminə baxış - TƏHLİL

2024-cü ilin BOEM reallığı: Azərbaycan "yaşıl enerji"nin inkişafı istiqamətində sıçrayış edir

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2