Avropa İttifaqından deportasiya edilən miqrantlar üçün təşkilata üzv olmayan ölkələrdə düşərgələr yaradıla bilər.

“Report” xəbər verir ki, bunu Böyük Britaniyanın “The Times” qəzeti avropalı diplomatlara istinadən yazıb.

Nəşrin mənbələrinə görə, düşərgələr Avropa İttifaqı ilə həmsərhəd olan və təşkilata daxil olmaq istəyən ölkələrdə yarana bilər. Onların arasında Albaniya, Moldova və Serbiya da var.

“Bu və miqrasiyanın məhdudlaşdırılmasına yönəlmiş digər innovativ həllərin iki həftədən sonra Aİ liderlərinin qarşıdan gələn sammitində müzakirə ediləcəyi gözlənilir. Bundan əvvəl deportasiyadan əvvəl mərkəzlərin yaradılması təklifi oktyabrın 10-da icma ölkələrinin daxili işlər nazirləri tərəfindən müzakirə olunacaq. Avstriya, Macarıstan, Danimarka, İtaliya, Niderland, Çexiya və Baltikyanı ölkələr əvvəllər belə düşərgələrin yaradılmasını açıq şəkildə müdafiə ediblər”, - məqalədə deyilir.

Vurğulanıb ki, Almaniya və Fransa da bu yaxınlarda bu təşəbbüsü müzakirə etməyə hazır olduqlarını bildiriblər. Digər tərəfdən isə Albaniya deportasiya olunanları öz ərazilərində yerləşdirməyə razıdır. Qeyd edək ki, ötən il 484 min miqrant barəsində deportasiya qərarı qəbul edilsə də, onların yalnız 91,5 mini Aİ ərazisini tərk edib.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib