Fransa Mərkəzi Bankı Nyu-Yorkda saxlanılan 129 ton qızılı Parisə geri qaytarıb.

BAKU.WS xəbər verir ki, bu barədə RIA Novosti məlumat yayıb.

Məlumata görə, əməliyyat 2025-ci ilin iyulundan 2026-cı ilin yanvarınadək həyata keçirilib. Bu müddətdə ABŞ-də saxlanılan aktivlər satılıb, əvəzində müasir standartlara uyğun qızıl külçələri alınaraq Fransaya yerləşdirilib. Nəticədə təxminən 13 milyard avro gəlir əldə olunub.

Rəsmi qurumlar qərarın siyasi motivli olmadığını, bunun ehtiyatların yenilənməsi və Avropa daxilində əməliyyatların daha rahat aparılması məqsədi daşıdığını bildirir.

Bununla belə, ekspertlər bu addımı daha geniş geosiyasi proseslərlə əlaqələndirir. 2022-ci ildə Rusiya aktivlərinin dondurulmasından sonra ölkələrin qızıl ehtiyatlarına nəzarəti gücləndirmək istəyi artıb.

Qeyd olunur ki, Almaniya, İtaliya, Hindistan, Polşa, Macarıstan və digər ölkələr də qızıl ehtiyatlarını öz ərazilərinə qaytarmaq istiqamətində addımlar atır və ya belə planlarını açıqlayıblar.

Analitiklərin fikrincə, bu tendensiya ABŞ-ə olan maliyyə etimadının zəifləməsi və ölkələrin iqtisadi suverenliyini gücləndirmək istəyi ilə bağlıdır.

Oxşar xəbərlər

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Leyla Əliyeva və Arzu Əliyeva Nyu-Yorkda sərgidə iştirak ediblər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər