Starlink peyki gözlənilməz anomaliya səbəbindən Yerə yaxın orbitdən çıxaraq sıradan çıxıb və parçalanıb.

Far.Az "The Verge" nəşrinə istinadən xəbər verir ki, SpaceX nümayəndələri X platformasında bildiriblər ki, 29 martda 34343 nömrəli Starlink peyki 560 kilometr yüksəklikdə olarkən idarəetməni itirib və orbitdən çıxıb.

Şirkətin açıqlamasına görə, hadisənin səbəbi hələ də araşdırılır. SpaceX və Starlink komandaları nasazlığın ilkin səbəbini müəyyənləşdirmək üçün iş aparır.

Məlumata görə, bu, son aylarda Starlink şəbəkəsində qeydə alınan ikinci oxşar hadisədir. Daha əvvəl başqa bir peyk də anomaliya səbəbindən sıradan çıxmışdı.

Bildirilir ki, hadisə Beynəlxalq Kosmik Stansiya və NASA-nın gələcək "Artemis II" missiyası üçün təhlükə yaratmır. Mütəxəssislərin ehtimalına görə, dağılan peyk hissələri yaxın həftələrdə atmosferdə yanaraq yox olacaq.

Oxşar xəbərlər

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

Heydər Əliyev Fondunun dəstəyi ilə alınan musiqi alətlərinin təqdimatı olub

"Şahdağ"da "Azerbaijan Open" beynəlxalq dağ xizəyi turniri: 11 ölkədən 20 idmançı mübarizə aparır

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2