Dağıstan rəhbəri Sergey Melikov bildirib ki, regionda baş verən daşqınlar aqrar sahəyə ciddi zərər vurub.

Far.Az xəbər verir ki, onun sözlərinə görə, təbii fəlakət nəticəsində təxminən 700 baş iri buynuzlu mal-qara, 2200-dən çox xırdabuynuzlu heyvan və 60 mindən artıq quş tələf olub.

Mart ayının sonunda Şimali Qafqaz bölgəsində genişmiqyaslı daşqınlar baş verib və bu fəlakət təkcə Dağıstanla məhdudlaşmayıb. Çeçenistan ərazisində təxminən 2 min ev su altında qalıb, 17 körpü zədələnib və fövqəladə vəziyyət elan edilib.

Şimali Osetiya bölgəsində iki kəndi birləşdirən yolun bir hissəsi dağılıb, İnquşetiya ərazisində isə elektrik enerjisində fasilələr qeydə alınıb.

Dağıstanın paytaxtı Mahaçqala şəhərində üç əsas enerji təminatı mərkəzi su altında qalıb və nəticədə 65 min abonent işıqsız qalıb.

Daşqınlar içməli suyun çirklənməsinə də səbəb olub. Nəticədə onlarla insan qida zəhərlənməsindən zərər çəkib və bölgədə virus hepatitinə qarşı təcili vaksinasiya tədbirləri həyata keçirilir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Daha bir kəndə AYI HÜCUMU - Mal-qara tələf oldu

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2