Mağazadan dondurulmuş məhsul alarkən qablaşdırmanın vəziyyətinə diqqət yetirmək lazımdır. Paketdə buz təbəqəsi və iri buz kristallarının olması məhsulun əridildikdən sonra yenidən dondurulduğuna işarə edə bilər.

BAKU.WS xəbər verir ki, bu barədə Rusiyanın Qida Təhlükəsizliyi Sahəsində Səriştə Mərkəzinin direktoru Yelena Spetsenko xəbərdarlıq edib.

Ekspertin sözlərinə görə, qablaşdırmanın daxilində qar, buz və bir-birinə yapışmış iri buz parçalarının olması təkrar dondurulma əlamətlərindəndir. Belə məhsullar mütləq təhlükəli olmasa da, əvvəlki keyfiyyətini itirə bilər. Məsələn, tərəvəzlər sulu hala düşür, pelmenlər isə bişirilərkən dağılır.

Spetsenko bu əlamətləri görən alıcılara həmin məhsulları almamağı tövsiyə edib.

O, həmçinin qablaşdırma açıldıqdan sonra məhsulun görünüşünə diqqət yetirməyin vacibliyini vurğulayıb. Balıq və ətin boz rəng alması, tərəvəzlərin üzərində ağ təbəqənin yaranması, xəmir və pelmenlərin çatlaması düzgün saxlanma şəraitinin pozulduğunu göstərə bilər.

Oxşar xəbərlər

Ət əvəzinə hamı balıq alır - Bazarda SON QİYMƏTLƏR

Ev şəraitində baş verən zəhərlənmə və 162 şübhəli müraciət: Yayda nədən uzaq durmalıyıq?

Neftçalada rayonunda "I Balıq" Festivalı keçirilib

İlham Əliyev Lənkəran Dövlət Peşə Təhsil Mərkəzinin açılışında iştirak edib

Bakıda balıq yarmarkası fəaliyyətə başladı