"Sabah" basketbol klubunun U-18 komandası Çempionlar Liqasında ikinci matçına çıxıb.

"Report" xəbər verir ki, B qrupunda Almaniyanın "Porşe BBA Lyudviqsburq" kollektivi ilə üz-üzə gələn Bakı təmsilçisi 72:61 hesablı qələbə qazanıb.

Bu, komandanın Çempionlar Liqası tarixindəki ilk qalibiyyəti olub.

Qarşılaşma Bosniya və Herseqovinanın Laktaşi şəhərindəki "SD Laktasi" idman salonunda keçirilib.

Qeyd edək ki, "bayquşlar" ilk oyunda Bosniya və Herseqovina təmsilçisi "İqokea"ya 58:88 hesabı ilə məğlub olub.

Reqlamentə əsasən, qrup qalibləri yarımfinala vəsiqə qazanacaq. İkinci yeri tutanlar 5-8-ci, sonuncu yerin sahibləri isə 9-12-ci yerlər uğrunda mübarizə aparacaqlar.

Oxşar xəbərlər

"Sabah" Çempionlar Liqasında Almaniya təmsilçisi ilə üz-üzə gələcək

Leyla Əliyeva "Mənzərəyə açılan ev" mövzusunda qrup sərgisində iştirak edib

Hidayət Heydərov VI İslam Həmrəyliyi oyunlarında yarımfinala yüksəlib

Vətən müharibəsində Qələbənin beşinci ildönümünə həsr olunmuş Hərbi parad keçirilib

"Sabah"ın U-18 komandası Çempionlar Liqasındakı ilk oyununda uduzub