Tehran və Vaşinqton dialoqu davam etdirir və həftəsonu təmasların baş tutacağı gözlənilir.

"Far.Az"un məlumatına görə, ABŞ Prezidenti Donald Tramp bunu Arizona ştatının Finiks şəhərinə gəldikdən sonra mətbuat nümayəndələri ilə qısa söhbətində açıqlayıb.

"Danışıqlar prosesi davam edir. Həftəsonu da davam edəcək", - ABŞ lideri bildirib.

O, iki tərəfin mövqelərindəki fikir ayrılıqlarının hələ də mövcud ola biləcəyini etiraf edib.

"Bəlkə də bəziləri var – hadisələrin necə inkişaf edəcəyini görəcəyik. Əgər varsa, onları aradan qaldırmalıyıq. Lakin güman edirəm ki, çox əhəmiyyətli fikir ayrılıqları qalmayıb", - Ağ Ev rəhbəri bildirib və əlavə edib ki, Fars körfəzindəki İran dəniz limanlarının blokadası razılaşma əldə edildikdən sonra aradan qaldırılacaq.

Bununla belə, ABŞ lideri "ABC News"a ayrıca müsahibəsində İranla danışıqların İslamabaddan başqa yerdə davam etdirilməsi ehtimalını istisna edib.

"Danışıqlar yalnız İslamabadda baş tuta bilər. Mən kömək etməyən ölkələrə getməkdə maraqlı deyiləm. (ABŞ Prezidentinin xüsusi elçisi) Stiv Uitkoff, Cared Kuşner gedəcək və ola bilsin, (Vitse-prezident) Cey Di Vens, mən hələ bu barədə Cey Di ilə danışmamışam", - Tramp Amerika nümayəndə heyətinin mümkün tərkibi barədə şərh verib.

Xatırladaq ki, 2026-cı il fevralın 28-də ABŞ və İsrail İrana qarşı hərbi əməliyyata başlayaraq, bir neçə şəhərə hava hücumları həyata keçiriblər. Elə həmin gün İranın Ali lideri Əli Xamenei zərbələr nəticəsində öldürülüb. Buna cavab olaraq İran İsrailə raket zərbələri endirib və Fars körfəzindəki Amerika hərbi bazalarına hücum edib.

İran, ABŞ və onların müttəfiqləri aprelin 8-ə keçən gecə iki həftəlik atəşkəs barədə razılığa gəliblər.

Aprelin 11-12-də Pakistanın vasitəçiliyi ilə İslamabadda İran və ABŞ arasında nəticəsiz başa çatan danışıqlar aparılıb.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Növbəti köç karvanı Kəlbəcər şəhərinə çatıb

ABŞ Prezidenti Donald Trampın təşəbbüsü ilə yaradılan Sülh Şurası təsis edilib