Lənkəranda zəncirvari yol qəzasında 7 nəfər xəsarət alıb.

"Report"un Cənub bürosunun məlumatına görə, hadisə Lənkəran-Boradigah-Masallı magistralında, rayonun Girdəni kəndi ərazisində baş verib.

Belə ki, rayonun Separadi kənd sakini, 1996-cı il təvəllüdlü Elmar Hünər oğlu Cəfərlinin idarə etdiyi "Renault" markalı nəqliyyat vasitəsi hərəkətdə olarkən Lənkəran rayonunun Vilvan kənd sakini, 2002-ci il təvəllüdlü Şərif Şəfi oğlu Hüseynzadənin idarə etdiyi "Toyota Prius" markalı minik avtomobili ilə toqquşub. "Toyota Prius" sonra digər "Toyota" markalı avtomobilə çırpılıb.

Zəncirvari yol qəzası nəticəsində 7 nəfər, o cümlədən hər iki sürücü və Separadi kənd sakinləri; 1977-ci il təvəllüdlü Fuad Nayib oğlu Şərifov, 1995-ci il təvəllüdlü Ağadadaş Səməd oğlu Ağazadə, 1978-ci il təvəllüdlü Ramil Rəsul oğlu Məmmədov, eləcə də Lənkəran rayonunun Vilvan kənd sakinləri - 1999-cu il təvəllüdlü Elşad Qılman oğlu Musazadə və 1999-cu il təvəllüdlü Ramil Əbülfət oğlu Əzimov müxtəlif dərəcəli xəsarətlər alıblar.

Yaralılar Lənkəran Rayon Mərkəzi Xəstəxanasına çatdırılıblar. Vəziyyəti ağır olan R.Məmmədov reanimasiya şöbəsinə yerləşdirilib.

Faktla bağlı araşdırma aparılır.

Oxşar xəbərlər

Leyla Əliyeva, Arzu Əliyeva və Alena Əliyeva Lənkəranda ekoloji aksiyalarda iştirak ediblər

İlham Əliyev Səməd Vurğun adına Yaradıcılıq Evinin açılışında iştirak edib

Toyota Prius: Hibrid Avtomobillərin atası

Bakıda tanınmış şirkət bahalı maşınlarını ucuz qiymətə satışa çıxardı - SİYAHI

İlham Əliyev Lənkəran Dövlət Peşə Təhsil Mərkəzinin açılışında iştirak edib