Antalya Diplomatiya Forumu çərçivəsində Azərbaycanın xarici işlər naziri Ceyhun Bayramovla görüşüb ölkələrimiz arasında münasibətlərimizin gücləndirilməsi imkanlarını müzakirə etdik.

Bunu "Report"un Türkiyə bürosuna Yəmənin Baş naziri və xarici işlər naziri Şai Möhsün əz-Zindani bildirib.

Baş nazir deyib ki, Azərbaycanın XİN rəhbəri ilə görüşündə iki ölkə arasında müxtəlif sahələrdə əlaqələrin genişləndirilməsi imkanları haqqında danışıblar: "Azərbaycanla iqtisadiyyat, ticarət və mədəniyyət sahəsində əlaqələrimizi genişləndirə bilərik. Bu əlaqələrin genişləndirilməsi üçün görüləcək işlərə gəlincə, xüsusilə mədəni əməkdaşlıq və iqtisadi-ticarət sazişlərinin inkişafı vacib hesab olunur. Bu istiqamətlər bizim üçün böyük əhəmiyyət daşıyır".

Şai Möhsün əz-Zindani təhsil və qarşılıqlı iş mübadiləsi barədə də müzakirələrin olduğunu bildirib: "Bu gün nazirlə söhbətimdə də qeyd etdim ki, uzun illər ərzində bir çox azərbaycanlı mütəxəssislər Yəməndə müxtəlif sahələrdə çalışıblar. Həmçinin yüzlərlə tələbə təhsil almaq üçün Azərbaycana gedib və bəziləri orada fəaliyyətlərini davam etdiriblər.

Ümid edirik ki, bu münasibətlər gələcəkdə də qorunacaq və ölkələrimiz dost dövlətlər kimi əməkdaşlığı davam etdirəcəklər".

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

İƏT Mədəniyyət Festivalı çərçivəsində Qadınların Yaradıcı Forumu keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2