Azərbaycanın üç yunan-Roma güləşçisi Albaniyanın paytaxtı Tiranada keçirilən Avropa çempionatında yarımfinala vəsiqə qazanıb.

"Far.Az" xəbər verir ki, Nihat Məmmədli (60 kq), Həsrət Cəfərov (67 kq) və Qurban Qurbanov (82 kq) bu raunda yüksəliblər.

N.Məmmədli 1/4 finalda Vladislav Kuzkonu (Ukrayna) məğlub edib. O, yarımfinalda Suren Ağacanyanla (Ermənistan) qarşılaşacaq.

H.Cəfərov ardıcıl olaraq Niklas Yan Ohlen (İsveç) və Abu Amaevə (Bolqarıstan) qalib gəlib.

Q.Qurbanov isə Svetoslav Nikolov (Bolqarıstan) və Mixail Bradandan (Moldova) güclü olub.

Ruslan Nurullayev (72 kq) ilk qarşılaşmasında Dmitri Vasilyevi (Ukrayna) məğlub etsə də, 1/4 finalda Qaspar Terteryana (Ermənistan) uduzub.

Murad Əhmədiyev (97 kq) Arvi Savolayneni (Finlandiya) məğlub edərək 1/8 finala yüksəlib. Ardınca Filip Smetkonu (Xorvatiya) üstələyən idmançı Artur Sarkisyana (UWW) uduzub.

Xatırladaq ki, Rəşad Məmmədov (55 kq), İslam Abbasov (87 kq) və Beka Kandelaki (130 kq) bu gün bürünc medal uğrunda görüşlərə çıxacaqlar.

Avropa çempionatı aprelin 26-da başa çatacaq.

Oxşar xəbərlər

Hidayət Heydərov VI İslam Həmrəyliyi oyunlarında yarımfinala yüksəlib

Avropa çempionatı: Şəfəq Həmidova bürünc medal uğrunda görüşdə uduzub - YENİLƏNİB-12

Leyla Əliyeva Tiranada "Hannah və Rosafa" uşaq evini və "Mother Teresa" Universitet Xəstəxana Mərkəzini ziyarət edib

Avropa çempionatı: Balabəy Ağayev də bürünc medal uğrunda görüşə vəsiqə əldə edib - YENİLƏNİB-10

Qurban Qurbanov və futbolçuları Yeni Robotik Reabilitasiya Mərkəzini ziyarət ediblər