Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov Böyük Britaniyaya səfəri çərçivəsində bir sıra mühüm görüşlər keçirib.

Far.Az-in məlumatına görə, bu barədə Azərbaycanın Böyük Britaniyadakı səfirliyi açıqlama yayıb.

Bildirilib ki, E. Əmirbəyov Böyük Britaniya Baş nazirinin milli təhlükəsizlik məsələləri üzrə müşavirinin müavini Barbara Vudvord, Xarici İşlər Nazirliyinin siyasi məsələlər üzrə direktoru Ed Llevelin, müdafiə və təhlükəsizlik üzrə direktor Conatan Allan, Şərqi Avropa və Mərkəzi Asiya departamentinin direktoru Kristofer Allan, Parlamentin İcmalar Palatasının sədr müavini Nüsrət Qani, Böyük Britaniya–Azərbaycan parlamentlərarası dostluq qrupunun rəhbəri Bob Bləkmən və digər deputatlarla görüşlər keçirib.

Səfər çərçivəsində o, həmçinin Beynəlxalq Strateji Tədqiqatlar İnstitutunda ekspertlər və akademik dairələrin iştirakı ilə təşkil olunan dəyirmi masada çıxış edib.

Bununla yanaşı, Elçin Əmirbəyov "The Guardian" və "Daily Express" nəşrlərinə müsahibələr verib.

Qalereya

Oxşar xəbərlər

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

Heydər Əliyev Fondunun vitse-prezidenti Leyla Əliyeva Londonda yüksəksəviyyəli iqlim dialoqunda iştirak edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Elçin Əmirbəyov Britaniyada bir sıra görüşlər keçirib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2