Lənkəranda zəncirvari avtomobil qəzasından sonra iki kənd işıqsız qalıb
Far.Az xəbər saytı

Lənkəranda zəncirvari avtomobil qəzasından sonra iki kənd işıqsız qalıb


Lənkəran rayonunda baş verən zəncirvari yol-nəqliyyat hadisəsi nəticəsində iki kəndin elektrik enerjisi təchizatında fasilə yaranıb.

"Report"un Cənub bürosunun məlumatına görə, hadisə Lənkəran-Boradigah-Masallı avtomobil yolunun rayonun Separadi kəndi ərazisindən keçən hissəsində qeydə alınıb.

Belə ki, Şağlaser kənd sakini, 2008-ci il təvəllüdlü Mirmehdi Hüseynovun idarə etdiyi "Qazel" markalı yük avtomobili hərəkətdə olarkən sürücü idarəetməni itirib. Nəticədə nəqliyyat vasitəsi əvvəlcə yolda dayanmış Zövlə kənd sakini, 1985-ci il təvəllüdlü Elvin Şəfiyevə məxsus "Mercedes" markalı avtomobilə, daha sonra isə Zövlə kənd sakini, 1970-ci il təvəllüdlü Elvar Salayevin idarə etdiyi "VAZ-21099"a və marketin qarşısında dayanmış Separadi kənd sakini, 2004-cü il təvəllüdlü Cavid Əzimzadəyə məxsus "VAZ-2106"ya çırpılıb.

Zəncirvari toqquşmadan sonra "Qazel" yol kənarındakı elektrik dirəyinə də dəyib.

Qəza nəticəsində xəsarət alan olmasa da, avtomobillərə ciddi ziyan dəyib. Həmçinin elektrik dirəyinin zədələnməsi səbəbindən Separadi və Zövlə kəndlərinin ümumilikdə 6 minə yaxın sakini işıqsız qalıb.

Faktla bağlı araşdırma aparılır.

Oxşar xəbərlər

Leyla Əliyeva, Arzu Əliyeva və Alena Əliyeva Lənkəranda ekoloji aksiyalarda iştirak ediblər
İlham Əliyev Lənkəran Dövlət Peşə Təhsil Mərkəzinin açılışında iştirak edib
Leyla Əliyeva, Arzu Əliyeva və Alena Əliyeva Lənkəranda fermer təsərrüfatı ilə tanış olublar
Lənkəranda güclü külək bir sıra fəsadlar törədib, 15-ə yaxın irigövdəli ağac aşıb
Lənkəranda qandonduran HADİSƏ – Ana isti qaşıqla 3 yaşlı qızının qolunu DAĞLADI

Ən son xəbərləri bizim

"Facebook" səhifəmizdə izləyin

Digər xəbərlər