Sahilboyu ərazilərdə torpaq sahələrinin istifadəyə və icarəyə verilməsi rəqəmsallaşdırılacaq
Xəzər dənizinin sahilboyu ərazilərində torpaq sahələrinin istifadəyə və icarəyə verilməsi, həmçinin müraciətlərin qəbulu prosesinin rəqəmsallaşdırılması nəzərdə tutulur.
"Far.Az" xəbər verir ki, bunu İqtisadiyyat Nazirliyi yanında Əmlak Məsələləri Dövlət Xidmətinin Torpaqların dövlət idarəetməsinin təşkili və geodeziya şöbəsinin müdiri İlqar Həbiyev Xəzər dənizinin sahilboyu ərazilərində dövlət idarəetməsinin təkmilləşdirilməsinə dair tədbirlər haqqında keçirilən brifində bildirib.
Onun sözlərinə görə, bu məqsədlə müvafiq qanunvericiliyə yeni normaların daxil edilməsi və elektron müraciət sisteminin yaradılması təklif olunur: "Sahilboyu ərazilərdə torpaq sahələrinin idarə olunması və istifadəyə verilməsi mexanizminin müəyyənləşdirilməsi üçün ilk növbədə qanunvericilik bazası təkmilləşdirilməlidir. Bu ərazilərdə torpaqların hansı hüquqi əsaslarla istifadəyə veriləcəyi – istifadə hüququ, icarə hüququ və ya mülkiyyət hüququ əsasında – dəqiq müəyyənləşdirilməlidir".
İ.Həbiyev deyib ki, sahilboyu ərazilərdə torpaq sahələrinin mülkiyyət hüququ ilə verilməsi məhdud xarakter daşıyır və bu məsələyə xüsusi yanaşılmalıdır: "Bu sahədə mülkiyyət hüququ bu gün də qanunvericilikdə geniş şəkildə nəzərdə tutulmur. Bununla belə, bəzi dövrlərdə, xüsusilə 1990-cı illərdə və 2000-ci illərin əvvəllərində qanunvericilik əsasında torpaq və müəyyən əmlak əldə etmiş şəxslər, həmçinin həmin ərazilərdə fəaliyyət göstərən biznes obyektləri var. Bu məsələlər irəli sürüləcək təkliflər çərçivəsində nəzərdən keçiriləcək".
Şöbə müdiri söyləyib ki, torpaq sahələrinin istifadəyə və ya icarəyə verilməsi qaydaları müəyyənləşdirildikdən sonra müraciətlərin vahid elektron platforma üzərindən qəbul edilməsi nəzərdə tutulur: "Yaradılacaq rəqəmsal sistem vasitəsilə vətəndaşlar əraziyə fiziki olaraq getmədən coğrafi informasiya sistemi üzərindən istədikləri torpaq sahəsini seçərək müraciət edə biləcəklər. Məsələn, orada kiçik kafe açmaq və ya müvəqqəti, mövsümi obyekt yerləşdirmək üçün torpaq sahəsi əldə etməyin qaydaları müəyyən olunandan sonra bir pəncərə prinsipi ilə istənilən vətəndaş, istənilən fiziki şəxs coğrafi sistemimiz üzərindən yer seçərək müraciət etmək hüququna malik olacaq".
Oxşar xəbərlər
Prezident Davosda "Avrasiyanın iqtisadi özünəməxsusluğunun müəyyənləşdirilməsi" mövzusunda panel iclasında iştirak edib
Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir" – MÜSAHİBƏ
Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir"
İlham Əliyevin sədrliyi ilə dağ-mədən və metallurgiya sənayesinin inkişafına dair müşavirə keçirilib
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Ən son xəbərləri bizim
"Facebook" səhifəmizdə izləyin
Digər xəbərlər
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
General Natiq Əliyevin qızı ilə bağlı qərar verildi
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
Böyük Britaniya Ukraynaya mindən çox uzaqmənzilli dron verəcək













