Azərbaycan və Çin arasında dayanıqlı şəhərsalma üzrə əməkdaşlıq müzakirə olunub.

Bu barədə "Report"a Dövlət Şəhərsalma və Arxitektura Komitəsindən bildirilib.

Məlumata əsasən, bununla bağlı müzakirələr Komitənin sədri Anar Quliyev ilə Çinin Azərbaycandakı fövqəladə və səlahiyyətli səfiri Lu Mey ilə görüşdə aparılıb.

​Görüşdə Azərbaycan və Çin arasındakı mövcud strateji tərəfdaşlıq münasibətlərinin yüksək səviyyədə olduğu vurğulanıb, müxtəlif istiqamətlərdə, xüsusilə şəhərsalma və infrastruktur layihələri sahəsində əməkdaşlığın perspektivləri ətrafında səmərəli fikir mübadiləsi aparılıb.

​Müzakirələrin əsas mövzularından biri Bakı şəhərinin ev sahibliyi edəcəyi Ümumdünya Şəhərsalma Forumunun 13-cü sessiyası (WUF13) olub.

Anar Quliyev qeyd edib ki, WUF13 dayanıqlı şəhər inkişafının gələcəyini formalaşdıran ən mühüm qlobal platformalardan biridir. Bu mənada Çin tərəfinin Forumda fəal iştirakı və qlobal urbanizasiya proseslərinə verə biləcəyi töhfələr məmnunluqla qarşılanıb.

​Komitə sədri Forum çərçivəsində Çinin həm yüksək səviyyəli dövlət rəsmiləri, həm də akademik dairələr və özəl sektor təmsilçiləri ilə geniş tərkibdə iştirak edəcəyinə ümidvar olduğunu bildirib.

Oxşar xəbərlər

İlham Əliyevin XIII Qlobal Bakı Forumunun açılış mərasimindəki çıxışının TAM MƏTNİ

Media nümayəndələri üçün WUF13 haqqında məlumatlandırma sessiyası keçirilib

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN