İsrailin xarici işlər naziri Gideon Saar bildirib ki, İsrail hərbçiləri Qəzza zolağının dəniz blokadasının yarılması və "təxribat donanması" ilə bağlı gəmilərin əraziyə daxil olma cəhdlərinin qarşısını alıb.

Far.Az "Report"a istinadən xəbər verir ki, bu barədə o, "X" sosial şəbəkəsində "blokadanı yarmaq" kimi bəyan edilmiş məqsədlə Qəzza zolağı sahillərinə doğru hərəkət edən fələstinyönümlü "Sumud" donanmasının 58 gəmisindən 15-nin ələ keçirilməsini şərh edərkən bildirib.

"Hazırda İsrail ötən gecə baş verən hadisələr də daxil olmaqla, Qəzzanın qanuni dəniz blokadasının yarılması və "təxribat donanması" gəmilərinin əraziyə daxil olması cəhdlərinin qarşısını müvəffəqiyyətlə alıb. Gəmilərdən çıxarılan "təxribat donanması"nın bütün iştirakçıları təxliyə edilib, yaralanan yoxdur", - o yazıb.

Saar bildirib ki, Yunanıstan hökuməti ilə əldə olunmuş razılaşmaya əsasən, həmin donanmadan İsrail gəmilərinə keçirilən vətəndaşlar yaxın saatlarda Yunanıstan sahillərinə çatdırılacaqlar. O, insident iştirakçılarını qəbul etməyə hazır olduğuna görə Yunanıstan tərəfinə minnətdarlığını bildirib.

Nazir vurğulayıb ki, İsrail Qəzzanın qanuni dəniz blokadasının yarılmasına imkan verməyəcək.

Oxşar xəbərlər

Saar "Sumud" donanması gəmilərinin saxlanılması barədə: Qəzzanın dəniz blokadasının yarılmasına imkan verməyəcəyik - YENİLƏNİB-2

Sumqayıt, Xırdalan və Masazırdan Bakıya gələn avtobuslar üçün xüsusi hərəkət zolağı yaradılıb

İspaniya "Sumud" donanmasının gəmilərinin ələ keçirilməsinə görə İsrailə etirazını bildirib

Türkiyə XİN: "Qlobal Sumud Donanması"na hücum dəniz quldurluğu aktıdır

İsrail HDQ "Qlobal Sumud Donanması"nı ələ keçirməyə başlayıb