Kanadanın British Columbia əyalətində müşahidə olunan isti hava dalğası 128 illik temperatur rekordunun yenilənməsi ilə nəticələnib.

BAKU.WS xəbər verir ki, Vankuver şəhərində hava temperaturu 23,9 dərəcəyə çatıb. Bu göstərici 1898-ci ildə qeydə alınmış 22,2 dərəcəlik əvvəlki rekordu geridə qoyub. Bu barədə Environment Canada məlumat yayıb.

Bildirilib ki, əyalət üzrə ümumilikdə 19 bölgədə gündəlik temperatur rekordları yenilənib. Pemberton və Lytton kimi yaşayış məntəqələrində temperatur 31 dərəcədən yuxarı olub.

Mütəxəssislər istilərin yüksək təzyiq sahəsi ilə əlaqədar olduğunu qeyd edir. Həftə ortasında temperaturun nisbətən enəcəyi, lakin həftə sonuna doğru yenidən artacağı proqnozlaşdırılır.

İsti hava enerji tələbatına da təsir edib. BC Hydro bildirib ki, elektrik istehlakı 7 600 meqavata çataraq may ayı üzrə rekord həddə yüksəlib.

Qeyd edək ki, quraqlıq səbəbindən əyalətin bəzi ərazilərində açıq havada tonqal qalamaq qadağan edilib.

Oxşar xəbərlər

"Azərbaycan Kinosu: Yığcam Ensiklopediya (1898 – 2025) kitabının təqdimat mərasimi keçirilib

İlham Əliyev Ağdamda 2-ci yaşayış kompleksinin açılışında iştirak edib

Azərbaycanlı həkim Türkiyədə küçənin ortasında yaralını xilas etdi

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Ötən ilin "yaşıl enerji" gündəminə baxış - TƏHLİL