Ölümcül hantavirus infeksiyası yayılmış "MV Hondius" kruiz gəmisinin bütün sərnişinlərinə profilaktik məqsədlərlə yüksək riskli təmasda olan şəxslər kimi baxılır.

"Far.Az" xəbər verir ki, bu barədə Avropa Xəstəliklərin Qarşısının Alınması və Nəzarəti Mərkəzinin (ECDC) gəminin İspaniyanın Tenerife adasında lövbər salması ərəfəsində dərc edilmiş operativ tövsiyələrində deyilir.

Məlumata görə, xəstəlik əlamətləri olmayan sərnişinlər xüsusi təşkil edilmiş nəqliyyatla öz ölkələrinə qaytarılmalı və ardınca özünü təcrid etməlidirlər. Eyni zamanda, adi kommersiya aviareyslərindən istifadə nəzərdə tutulmur.

Gözlənilir ki, ölkələr Qrinviç vaxtı ilə təxminən 06:30–07:00-da vətəndaşlarının "MV Hondius" gəmisindən təxliyəsinə başlayacaqlar.

Ümumdünya Səhiyyə Təşkilatının məlumatına görə, gəmidə səkkiz nəfər xəstələnib, onlardan üçü vəfat edib. Ölənlər arasında Niderlanddan olan ər-arvad və Almaniya vətəndaşı var. Xəstələnənlərin altısında hantavirus laborator şəraitdə təsdiqlənib, daha iki hal isə şübhəli olaraq nəzərdən keçirilir.

ECDC-dən vurğulanıb ki, gəmidən enərkən bütün sərnişinlər yüksək riskli təmaslar hesab ediləcəklər. Lakin yaşadıqları ölkələrə qayıtdıqdan sonra tibbi qiymətləndirmənin nəticələrindən asılı olaraq bu statusa yenidən baxıla bilər.

Xəstəlik simptomları olan sərnişinlərin müayinə və testlərə yönləndirilməsi tövsiyə olunur. Vəziyyətlərindən asılı olaraq onlar Tenerifedə təcrid oluna və ya tibbi kanallarla vətənlərinə təxliyə edilə bilərlər.

Hantavirus insana gəmiricilərdən keçir. İnsandan insana keçmə nadir hallarda qeydə alınır. Sanitariya xidmətlərinin qiymətləndirməsinə görə, infeksiyanın yayılması riski aşağı olaraq qalır.

Oxşar xəbərlər

Prezident İlham Əliyev Əfv Sərəncamı imzalayıb

İlham Əliyev Lənkəran Dövlət Peşə Təhsil Mərkəzinin açılışında iştirak edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Yol hərəkəti təhlükəsizliyi üçün profilaktik işlər davam edir

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2