Latviyanın müdafiə naziri Andris Spruds ölkədəki dron hadisələri fonunda istefa verib.

"Far.Az" xəbər verir ki, bu barədə ERR telekanalı məlumat yayıb.

Medianın məlumatlarına görə, qərar dronların Latviya ərazisinə daxil olması ilə bağlıdır. Ölkənin Baş naziri Evika Silina nazirin özünün və ictimaiyyətin etimadını itirdiyini bildirib və buna görə də onun istefasını tələb edib.

Hökumət başçısı həmçinin müdafiə naziri vəzifəsinə polkovnik Rayvis Melnisin təyin olunmasını təklif edib, sonuncu vəzifəni icra etmək təklifi ilə razılaşıb.

Silina qeyd edib ki, dron hadisəsi müdafiə sektorunda siyasi rəhbərliyin səmərəsizliyini və ölkənin hava məkanının təhlükəsizliyinin təmin olunması üçün verilən vədlərin yerinə yetirilməməsini nümayiş etdirir.

Spruds öz növbəsində istefasının şəxsi qərar olduğunu bildirib, Baş nazirin açıqlamalarını isə siyasi oyun adlandırıb.

Oxşar xəbərlər

Silahlı Qüvvələrin bir qrup hərbi qulluqçu təltif edilib

Bakının mərkəzində əyləncə məkanının fəaliyyəti dayandırıldı

Azərbaycan və Latviya prezidentləri mətbuata bəyanatlarla çıxış ediblər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2