Ağ Evin Milli İqtisadi Şurasının rəhbəri Kevin Hasset ABŞ Prezidenti Donald Trampı Çinə səfəri zamanı Amerika korporasiya rəhbərlərindən ibarət böyük nümayəndə heyətinin müşayiət edəcəyini açıqlayıb.

"Far.Az"un məlumatına görə, o, bu barədə "Fox News"a müsahibəsində deyib.

"Güman edirəm, Prezidentlə birlikdə olacaq insanların böyük, daha doğrusu, kifayət qədər böyük siyahısını görəcəyik", - Hasset "Boeing" və "Citigroup" şirkətləri rəhbərlərinin səfərdə iştirakı ilə bağlı xəbərləri şərh edərkən bildirib. Lakin o, biznes nümayəndə heyətinin mümkün tərkibini açıqlamayıb.

K.Hasset həmçinin Trampla Çin Sədri Si Cinpin arasındakı münasibətləri güclü və yaxın adlandırıb.

Onun sözlərinə görə, ABŞ liderinin Pekinə səfərinin nəticələrinə əsasən "Amerika işçiləri və firmalar üçün çoxlu xoş xəbər" gözlənilir.

Trampın Çinə səfəri 14-15 maya planlaşdırılıb.

Oxşar xəbərlər

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib