Biləsuvarda "Ümumdünya Şəhərsalma Forumunun 13-cü Sessiyasına (WUF13) həsr olunmuş tədbir keçirilib.

"Report"un Muğan bürosunun məlumatına görə, tədbir Biləsuvar Rayon İcra Hakimiyyətinin, Azərbaycan Memarlıq və İnşaat Universitetinin və Milli Qəhrəman Mübariz İbrahimov adına Məktəb-Lisey Kompleksinin birgə təşkilatçılığı ilə ərsəyə gəlib.

Tədbirdə çıxış edənlər WUF13 kimi əhəmiyyətli tədbirin Azərbaycanda keçirilməsinin əhəmiyyətindən danışaraq qeyd ediblər ki, bu, ilk növbədə, ölkənin şəhərsalma və məskunlaşdırma fəaliyyətində müasir standartlara əsaslandığının göstəricisidir.

Qeyd olunub ki, Azərbaycan həyata keçirilən genişmiqyaslı quruculuq işləri, xüsusilə işğaldan azad edilmiş ərazilərdə tətbiq olunan "ağıllı şəhər" və "ağıllı kənd" layihələri bu sahədəki innovativ yanaşmanın bariz nümunəsidir. Bu mühüm forumun Bakıda təşkili respublikanın beynəlxalq miqyasda artan nüfuzunu bir daha təsdiqləməklə yanaşı, yerli mütəxəssislərin qlobal təcrübədən faydalanması üçün yeni imkanlar açacaq Bu məqsədlə Biləsuvar rayonunda keçirilən görüş gənc nəslin memarlıq və şəhərsalma sahəsində maariflənməsinə, habelə regionlarımızın dayanıqlı inkişaf perspektivlərinin müzakirəsinə böyük töhfə verir.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Bakıda Azərbaycan səhiyyəsi üçün önəmli tədbir keçirilib

WUF13-ün təşkili ilə əlaqədar yaradılmış Təşkilat Komitəsinin növbəti iclası keçirilib

İlham Əliyev Xocavənd şəhər və Xocavənd kənd sakinləri ilə görüşüb