Səfir: Parlament heyətimizin səfəri Ukrayna-Azərbaycan strateji tərəfdaşlığını möhkəmləndirib
Far.Az xəbər saytı

Səfir: Parlament heyətimizin səfəri Ukrayna-Azərbaycan strateji tərəfdaşlığını möhkəmləndirib


Ukrayna Ali Radasının nümayəndə heyətinin Azərbaycana səfəri iki ölkə arasında strateji tərəfdaşlığın möhkəmləndirilməsi və parlamentlərarası dialoqun inkişafı, eləcə də gələcək əməkdaşlıq perspektivlərinin genişləndirilməsi yolunda növbəti addım oldu.

"Far.Az" xəbər verir ki, bu barədə Ukraynanın Azərbaycandakı səfiri Yuri Qusev "X" sosial şəbəkəsində yazıb.

Onun sözlərinə görə, bu həftə Ukrayna nümayəndə heyəti əməkdaşlığın qurulması, Azərbaycanın qaçqın və məcburi köçkünlərin dəstəklənməsi, müharibə nəticəsində zərər çəkmiş ərazilərin bərpası və sosial infrastrukturun yenidən qurulması ilə bağlı təcrübəsi ilə tanış olmaq üçün Bakıya səfər edib.

Səfər çərçivəsində Ali Radanın nümayəndələri Milli Məclisdə olub, Azərbaycan-Ukrayna parlamentlərarası əlaqələr üzrə işçi qrupunun sədri Əlibaba Məhərrəmzadə və digər deputatlarla görüş keçiriblər.

Bundan başqa, Azərbaycanın Qaçqınların və Məcburi Köçkünlərin İşləri Üzrə Dövlət Komitəsinin sədri Rövşən Rzayevlə görüş keçirilib.

"Görüşlər zamanı Ukrayna tərəfi Kiyevə göstərdiyi dəstəyə görə Azərbaycana minnətdarlığını bildirib. Tərəflər məcburi köçkünlərin sosial müdafiəsi, əhalinin məşğulluğu və reinteqrasiyası məsələlərini ətraflı müzakirə ediblər. Həm Ukraynaya, həm də Azərbaycana faydalı ola biləcək praktiki təcrübə mübadiləsinə xüsusi diqqət yetirilib", - Y.Qusev yazıb.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub
Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI
İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Ən son xəbərləri bizim

"Facebook" səhifəmizdə izləyin

Digər xəbərlər