Sumqayıt Şəhər Polis İdarəsi Dövlət Yol Polisi Şöbəsinin əməkdaşları şəhər ərazisində "Təmiz hava aylığı" çərçivəsində maarifləndirici tədbir keçirib.

Far.Az DİN-ə istinadən xəbər verir ki, tədbir zamanı nəqliyyat vasitələrinin texniki vəziyyəti yoxlanılıb, atmosferə normadan artıq zərərli maddələrin atılmasına səbəb olan nasazlıqların aradan qaldırılmasının vacibliyi diqqətə çatdırılıb.

Sürücülərlə profilaktik söhbətlər aparılıb, nəqliyyat vasitələrinin saz vəziyyətdə saxlanılmasının ətraf mühitin qorunması və insan sağlamlığı baxımından əhəmiyyəti izah olunub. Tədbirlər çərçivəsində əsas diqqət yol hərəkəti iştirakçıları arasında məsuliyyətli davranışın formalaşdırılmasına, nəqliyyat vasitələrinin texniki sazlığının təmin olunmasına və ətraf mühitin mühafizəsinə yönəldilib.

Xatırladaq ki, "Təmiz hava aylığı" ilə bağlı yol polisləri tərəfindən tədbirlər davam etdirilir.

Oxşar xəbərlər

Yol hərəkəti təhlükəsizliyi üçün profilaktik işlər davam edir

Sabunçu bazarında REYD - "Allahın cücüsüdür"

Bakıda Azərbaycan səhiyyəsi üçün önəmli tədbir keçirilib

Balakəndə "Təmiz hava" aylığı ilə bağlı profilaktik tədbir keçirildi

Baku Steel Company ətraf mühitin mühafizəsinə töhfəsini gücləndirir: təxminən 3000 ağac əkilib