Prezident Volodimir Zelenskinin rəhbərlik etdiyi nümayəndə heyətinin Azərbaycana səfəri iki ölkə arasında tərəfdaşlıq münasibətlərinin möhkəmləndirilməsi üçün atılan addım idi.

Bu sözləri "Report"un Şərqi Avropa bürosuna müsahibəsində nümayəndə heyətinin tərkibində Azərbaycanda səfərdə olan Ukrayna Silahlı Qüvvələrinin Baş Qərargah rəisi, general-leytenant Andrey Qnatov bildirib.

Onun sözlərinə görə, bu səfər hər şeydən əvvəl iki ölkə arasında tərəfdaşlıq münasibətlərinin möhkəmləndirilməsi üçün atılan addım idi: "Biz hər şeydən əvvəl ölkələrimiz arasında hər iki tərəf üçün qarşılıqlı faydalı olan normal strateji tərəfdaşlıqdan danışırıq. Ukrayna öz təcrübəsini təqdim etməyə və Hava Hücumundan Müdafiə sisteminin (HHM) təşkili və möhkəmləndirilməsində kömək etməyə hazırdır. Bu əməkdaşlığın elə aspektləri var ki, indi onları açıqlamayacağam. Bu iki dövlətin münasibətləridir".

Baş qəragah rəisi onu da deyib ki, bu əməkdaşlıq Azərbaycan Respublikasının müdafiəsini daha müasir etmək, bu gün yaranan çağırışlara hazır vəziyyətə gətirməyə yönəlib.

Müsahibənin tam mətni ilə buradan tanış ola bilərsiniz.

Oxşar xəbərlər

Silahlı Qüvvələrin bir qrup hərbi qulluqçu təltif edilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev və Çexiyanın Baş naziri Andrey Babiş mətbuata bəyanatlarla çıxış ediblər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN