Bakı urbanizasiya sahəsində dünyaya ilham verir.

Bunu "Far.Az"a açıqlamasında BMT-nin Məskunlaşma Proqramının (UN-Habitat) Regionlararası müşaviri Katja Şafer bildirib.

Onun sözlərinə görə, Bakıda keçirilən Ümumdünya Şəhərsalma Forumu (WUF13) iştirakçılar üçün urbanizasiya və dayanıqlı şəhər inkişafı sahəsində mühüm təcrübə platformasına çevrilib: "Bakı forum iştirakçılarını həm şəhərin inkişafı, həm də qonaqpərvərliyi ilə təsirləndirib. Xəzərin incisi olan Bakı bu gün dünyanı qəbul edir və ölkənizin inkişafını nümayiş etdirir. İnsanlar öz ölkələrinə buradakı isti münasibət və əldə etdikləri təcrübə ilə bağlı müsbət təəssüratlarla qayıdacaqlar".

K. Şafer qeyd edib ki, forum çərçivəsində SPECA regionunda şəhərlərin inkişafı və dayanıqlı urbanizasiya məsələləri geniş müzakirə olunub: "Gəncə də daxil olmaqla altı şəhər təşəbbüsün öncülləri kimi çıxış edərək təcrübələrini bölüşüb. Bu şəhərlər bir-birindən öyrənir, həmçinin Mərkəzi Asiya regionunda və Orta Dəhliz boyunca əməkdaşlığın genişlənməsinə töhfə verir. WUF13-ün əsas nəticələrindən biri urbanizasiya ilə bağlı müzakirələrin regional səviyyədə davam etdirilməsi olacaq. Biz insanların həyat keyfiyyətinin yaxşılaşdırılması, əlçatan və adekvat mənzil təminatı, şəhərlərin iqlim dəyişikliklərinə davamlılığının artırılması və iqtisadi çağırışlara qarşı dayanıqlılığın gücləndirilməsi istiqamətində birgə işləməyə davam etməliyik".

K. Şafer əlavə edib ki, gələn həftə Gəncəyə səfər etməyi və şəhərlə yaxından tanış olmağı planlaşdırır.

Oxşar xəbərlər

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

Bakıda WUF13-ün açılış mərasimi keçirilir, Prezident İlham Əliyev tədbirdə çıxış edib

Bakıda Ümumdünya Şəhərsalma Forumunun 13-cü Sessiyasının açılış mərasimi keçirilir Prezident İlham Əliyev çıxış edib

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib - YENİLƏNİB-4

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub