Azərbaycan coğrafi mövqeyi və enerji gücünə görə öz ölçülərindən kənara çıxan əhəmiyyətli oyunçuya çevrilib.

"Far.Az" xəbər verir ki, bunu Albaniyanın "Argumentum" saytının baş redaktoru Maryana Doda sözügedən saytda yayımladığı təhlil yazısında qeyd edib.

Onun sözlərinə görə, Ukraynadakı müharibənin səbəb olduğu Avropa enerji böhranından sonra alternativ qaz tədarükü dəhlizləri yeni strateji çəki qazandığı zaman Azərbaycanın əhəmiyyəti xüsusilə artıb. Bu kontekstdə Cənub Qaz Dəhlizi, eləcə də onun TANAP və TAP seqmentləri kimi layihələr Azərbaycanı Avropanın enerji təchizatını şaxələndirmək səylərində mühüm halqaya çevirib.

"Azərbaycanın xarici siyasətini onun coğrafi mövqeyini nəzərə almadan başa düşmək mümkün deyil. Azərbaycan eyni zamanda Xəzər dənizində enerji resursları istehsalçısı, Cənubi Qafqazda güc və Avropanı Asiya ilə birləşdirən tranzit dövlətdir", - müəllif vurğulayıb.

M. Dodanın fikrincə, Azərbaycan sadəcə qaz ixracatçısı və ya keçid dövründə olan postsovet dövləti deyil, həm də daimi qeyri-müəyyənliklə xarakterizə olunan regional sistemdə tarazlıq nöqtəsidir.

Oxşar xəbərlər

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında çıxış edib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2