Boliviya hakimiyyəti etiraz aksiyaları səbəbindən blokadada olan şəhərlərə ərzaq və dərmanlar çatdırmaq üçün humanitar dəhliz yaratmaq üçün əməliyyat başladacaq.

"Report"un məlumatına görə, bu barədə daxili işlər naziri Marko Antonio Ovyedo bildirib.

"Mayın 23-də, şənbə günü əsasən Oruro və La-Pas şəhərlərini birləşdirən yolları təmizləmək üçün "Ağ bayraqlar altında humanitar dəhliz" adlı əməliyyatın başlanması barədə qərar qəbul edilib", - o, mətbuat konfransında bildirib.

Nazirin sözlərinə görə, əməliyyat polis tərəfindən hərbçilərin maddi-texniki dəstəyi ilə həyata keçiriləcək. "Onun yeganə məqsədi qida, (tibbi) oksigen çatışmazlığından əziyyət çəkən El-Alto və La-Pas sakinləri üçün normal həyat təmin etməkdir", - nazir qeyd edib.

O, həmçinin əlavə edib ki, əməliyyat dinc xarakter daşıyacaq və insan haqları təşkilatları, Katolik Kilsəsinin nümayəndələri və Qırmızı Xaç Cəmiyyəti iştirak edəcək.

Ölkədə bir neçə həftədir, hökumət əleyhinə etirazlar davam edir, müxtəlif bölgələrdə yollar bağlanır. Hakimiyyət orqanları təchizatdakı fasilələrə və iğtişaşlara görə məsuliyyəti keçmiş prezident Evo Moralesin tərəfdarlarının üzərinə atır. 18 mayda La-Pasda toqquşmalar və iğtişaşlar baş verib, nəticədə təxminən 100 nəfər həbs olunub.

Oxşar xəbərlər

Heydər Əliyev Fondunun dəstəyi ilə alınan musiqi alətlərinin təqdimatı olub

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Mərkəzi Bank tərəfindən media nümayəndələri üçün "Kapital bazarlarının əsasları" mövzusunda təlim keçirilib

İDEA Sabirabad və Cəlilabad rayonlarında kütləvi ağacəkmə aksiyaları təşkil edib