Son günlər sosial şəbəkələrdə reklamı geniş yayılan ağ rəngli çiyələk diqqət çəkir.

Dadının qırmızı çiyələkdən fərqləndiyi deyilən bu məhsulun bağlaması paytaxtdakı bəzi marketlərdə 49 manata satılır.

Baku TV-nin xəbərinə görə, Vətəndaşların bir çoxu ağ çiyələyin geni dəyişdirilmiş məhsul olduğunu düşünür.

Satıcıların sözlərinə görə, bu məhsula qış aylarında daha çox tələbat olur. Lakin dadı qırmızı çiyələk qədər yaxşı deyil.

Alimlər bildirirlər ki, bu növ müxtəlif çiyələk sortlarının seleksiya və hibridləşdirilməsi nəticəsində əldə olunub. Ağ rəng isə çiyələyə qırmızı rəng verən genin olmaması ilə bağlıdır.

Qida mütəxəssisləri qeyd edirlər ki, ağ çiyələk də digər çiyələk növləri kimi allergiya yarada bilər. Xüsusilə qırmızı çiyələyə allergiyası olan şəxslərə ehtiyatlı olmaq tövsiyə edilir. Həmçinin məhsulun düzgün şəraitdə yetişdirilməsi və saxlanılması vacib hesab olunur.

Mütəxəssislər hamilə və süd verən qadınlara, azyaşlılara, yaşlı insanlara və xroniki xəstəliyi olanlara bu məhsulu yalnız etibarlı mənbələrdən almağı və az miqdarda istifadə etməyi məsləhət görürlər.

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Halvaçılığdan ipəkçiliyə, tarixin rəngli pəncərələrinə - Şəki SƏFƏRİ

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakı şəhərinin sevilən Qış nağılı yenidən Fəvvarələr meydanında!