Göyçay rayonunda müşahidə olunan küləkli hava şəraiti bır sıra fəsadlara yol açıb.

"Far.Az"un Yuxarı Şirvan bürosu xəbər verir ki, külək rayonun müxtəlif ərazilərində iri və xırdagövdəli ağacların aşmasına səbəb olub.

Nizami küçəsində isə çinar ağacı rayon sakini Mirzəliyev Mahir Əlibayram oğluna məxsus "Mercedes" markalı minik avtomobilinin üzərinə aşıb. Hadisə nəticəsində xəsarət alan olmayıb.

Hadisə yerinə yol polisi, eləcə də Göyçay Şəhər Təsərrüfatı Birliyinin əməkdaşları cəlb olunub. Xüsusi texnikaların köməyi ilə aşmış ağac hissələrə bölünərək ərazidən götürülüb.

Digər hadisə isə rayonun Üzeyir Hacıbəyov küçəsində qeydə alınıb. Burada irigövdəli ağac rayon sakininə məxsus fərdi yaşayış evinin hasarının üzərinə aşaraq onu uçurub.

Eyni zamanda, güclü külək rayonun bir neçə ərazisində elektrik xəttlərinə ziyan vurub.

Aidiyyəti qurumların əməkdaşları tərəfindən ərazilərdə təhlükəsizlik tədbirləri görülür, aşmış ağacların yollardan götürülməsi istiqamətində işlər davam etdirilir.

Oxşar xəbərlər

Bakıda güclü külək 78 ağacı aşırdı, 40 ağacın budaqları qırıldı

Azərbaycanın Təbrizdəki konsulu Ramil İmranov Göyçayda dəfn olunub

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

Güclü külək Mingəçevirdə fəsadlar törədib, bir neçə ağac aşıb