Pakistanın Baş naziri Şahbaz Şərif və Türkiyə Prezidenti Rəcəb Tayyib Ərdoğan telefon danışığı zamanı ikitərəfli münasibətlərin inkişafını və gündəlikdə duran regional məsələləri müzakirə ediblər.

"Report" xəbər verir ki, bu barədə Ş. Şərif "X" sosial şəbəkəsində paylaşım edib.

Onun sözlərinə görə, söhbət səmimi və dostluq şəraitində keçib. Tərəflər Qurban bayramı münasibətilə bir-birlərini təbrik edib, Pakistan və Türkiyə arasında tarixi və uzunmüddətli münasibətlərin möhkəmliyini bir daha təsdiqləyiblər.

"Biz ticarət, investisiya və regional əlaqəlilik sahələrində əməkdaşlığın sürətləndirilməsi, həmçinin regionda sülh, sabitlik və dialoq məsələlərində sıx koordinasiyanın davam etdirilməsi barədə razılığa gəldik. Prezident Ərdoğana Pakistanın rəhbərliyi ilə həyata keçirilən sülh təşəbbüslərinə göstərdiyi davamlı dəstəyə görə təşəkkür etdim və Bəlucistanda baş vermiş faciəvi terror hücumundan sonra bizimlə nümayiş etdirdiyi həmrəyliyi yüksək qiymətləndirdim", - o yazıb.

Tərəflər həmçinin terrorizmə qarşı birgə mübarizəyə, regionda sülhün, sabitliyin və inkişafın möhkəmləndirilməsinə sadiq olduqlarını vurğulayıblar.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib