ABŞ Prezidenti Donald Trampın Pekinə səfərinin yekunlarına görə, Amerikanın Tayvanla bağlı mövqeyi dəyişməz olaraq qalıb.

"Far.Az"un məlumatına görə, bunu Sinqapurda keçirilən beynəlxalq təhlükəsizlik forumunda çıxışı zamanı Pentaqonun rəhbəri Pit Heqset bəyan edib.

"Mən Pekindəki görüşlərdə iştirak etmişəm və [təsdiq edə bilərəm ki] bizim kursumuzda heç bir dəyişiklik baş verməyib", - o qeyd edib və vurğulayıb ki, Tayvana gələcək silah tədarükü ilə bağlı hər hansı qərar ABŞ Prezidenti tərəfindən qəbul edilir.

Bundan əvvəl Tramp bildirmişdi ki, Çin lideri Si Cinpinlə aparılan danışıqlar zamanı Tayvana 14 milyard dollar dəyərində Amerika silahlarının mümkün satışı məsələsi müzakirə olunub, lakin bu sövdələşmə ilə bağlı hələlik yekun qərar çıxarılmayıb. ABŞ Prezidenti vurğulamışdı ki, o, Birləşmiş Ştatların Çinlə silahlı münaqişəyə cəlb olunmasını istəmir.

Sonradan ABŞ Hərbi Dəniz Qüvvələri rəhbərinin səlahiyyətlərini icra edən Hanq Kao aydınlıq gətirib ki, Vaşinqton İrana qarşı hərbi əməliyyatların aparılması üçün silahların yönəldilməsi zərurəti ilə əlaqədar bu məsələyə "fasilə verib".

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

ABŞ Prezidenti Donald Trampın təşəbbüsü ilə yaradılan Sülh Şurası təsis edilib