"Fintrend" MMC bank olmayan kredit təşkilatı (BOKT) 2025-ci ili 1,129 milyon manat xalis mənfəətlə başa vurub.

"Far.Az" BOKT-un maliyyə hesabatına istinadən xəbər verir ki, bu, 2024-cü illə müqayisədə 44,8 % azdır.

Ötən il "Fintrend"in vergiyəqədərki mənfəəti 982 min manat (əvvəlki ilə nisbətən 2,2 dəfə az), mənfəət vergisi ödəmələri üzrə qənaəti 147 min manat (əvvəlki il vergi ödəyib) təşkil edib.

Bu il yanvarın 1-nə "Fintrend"in aktivləri 90,791 milyon manat olub ki, bu da illik müqayisədə 27,8 % çoxdur. Bunun 83,206 milyon manatı müştərilərə verilmiş kreditlərdir. 2025-ci ildə BOKT-un kredit portfeli 18,9 % böyüyüb.

Hesabat dövründə "Fintrend"in öhdəlikləri 29,7 % artaraq 81,465 milyon manata çatıb, balans kapitalı isə 16,4 % azalaraq 6,854 milyon manata düşüb.

Xatırladaq ki, "Fintrend" 2014-cü ildə yaradılıb. Onun nizamnamə kapitalı 5 milyon manatdır. BOKT-un təsisçiləri 95 %-lik payla "Pro Trade Logistics DMCC" şirkəti və 5 %-lik payla Sahib Əliyevdir.

Oxşar xəbərlər

Xocalı şəhərində "Qarabağ Tekstil Evi" MMC istifadəyə verilib

"Monetri" BOKT maliyyə vəziyyətini açıqlayıb

"İdeal Kredit" BOKT maliyyə vəziyyətini açıqlayıb

"City Finance" BOKT maliyyə vəziyyətini açıqlayıb

Maşın qiymətinə olan telefon nömrələri satışa çıxarıldı - SİYAHI