Qazaxıstan və Türkiyə geoloji kəşfiyyat sahəsində əməkdaşlıq perspektivlərini və birgə neft-qaz layihələrinin inkişafını müzakirə edib.

"Far.Az"un "KazMunayGaz" SC-yə istinadən verdiyi məlumata görə, müzakirələr şirkətin İdarə Heyətinin sədri Ashat Xasenovla Türkiyənin energetika və təbii sərvətlər naziri Alparslan Bayraktar arasında Bakı Enerji Həftəsi çərçivəsində keçirilmiş görüşdə aparılıb.

Tərəflər Türkiyənin "Turkish Petroleum Corporation" dövlət neft-qaz şirkətinin iştirakı ilə əməkdaşlığın inkişafını müzakirə edib, həmçinin iki ölkənin ərazisindəki perspektivli sahələrin birgə öyrənilməsi və geoloji məlumat mübadiləsi məsələlərini nəzərdən keçiriblər.

Bundan başqa, "Turkish Petroleum Corporation"ın texniki-iqtisadi qiymətləndirmə apardığı Şimali Xəzərdəki "Böyük Jambıl" sahəsi də müzakirə edilib.

Tərəflər həmçinin Türkiyə Prezidenti Rəcəb Tayyib Ərdoğanın bu ilin mayında Qazaxıstana dövlət səfəri zamanı imzalanmış neft xidmətləri sahəsində əməkdaşlıq haqqında sazişin həyata keçirilməsinə toxunublar.

Qazaxıstanın neft xidmətləri şirkətlərinin TPAO-nun beynəlxalq layihələrində iştirakının genişləndirilməsi mümkünlüyü nəzərdən keçirilir.

Danışıqların sonunda tərəflər iki ölkənin energetika sektorunda tərəfdaşlığı möhkəmləndirmək və əməkdaşlığı inkişaf etdirmək niyyətlərini təsdiqləyiblər.

Oxşar xəbərlər

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib