Azərbaycanda kəndlilərin müxtəlif mexanizmlərlə subsidiyalardan kənarda saxlanılması aqrar sahənin inkişafına ciddi ziyan vura bilər.

"Report" xəbər verir ki, bunu deputat Əli Məsimli Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında bildirib.

Onun sözlərinə görə, əvvəllər Azərbaycanda kəndli birbaşa bələdiyyədən, dövlətdən torpaq alırdı, onu əkib-becərirdi: "İcarəyə götürdüyü həmin torpağa görə kəndli ona əlçatan səviyyədə icarə haqqı ödəyirdi. Eyni zamanda, o, subsidiya alırdı və xərclərinin bir hissəsini də həmin subsidiya hesabına qarşılaya bilir, təsərrüfatını davam etdirirdi. Amma sonradan bu sahədə edilən dəyişikliklərdən sonra vəziyyət dəyişib. Artıq torpaq dövlətdən deyil, başqa qurumdan icarəyə götürüləndə kəndli əvvəlkindən bir neçə dəfə artıq, ödəyə bilməyəcəyi səviyyədə icarə haqqı verməyə başlayır. Digər tərəfdən isə subsidiyadan yararlana bilmir. Bu da kənd təsərrüfatı ilə məşğul kəndlinin vəziyyətini xeyli ağırlaşdırır. Hesab edirəm ki, bu istiqamətdə qanunvericilik sənədlərində uyğunlaşdırmaların aparılması yaxşıdır. Ancaq qaldırdığım məsələlərin aradan qaldırılması üçün hüquqi-normativ aktlarda da müvafiq dəyişikliklərin edilməsi çox vacibdir. Buna görə də hüquqi-normativ aktlarda və bununla bağlı təşkilati məsələlərdə qeyd etdiyim məqamlar mütləq nəzərə alınmalıdır".

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib