Bu il ABŞ, Kanada və Meksikanın birgə ev sahibliyi edəcəyi dünya çempionatı futbol tarixində yeni səhifə açacaq.

"Far.Az"un məlumatına görə, ilk dəfə mundialda 48 komanda iştirak edəcək.

Birinci analoji turnir 1930-cu ildə Uruqvayda keçirilib. Həmin yarışda 13 komanda iştirak edib və ev sahibləri tarixdə ilk dünya çempionu olublar. Sonrakı illərdə iştirakçı sayı artıb və mundial qlobal idman hadisəsinə çevrilib.

Komanda sayının artımı

1930 – 13 komanda

1934 - 16 komanda

1938 - 15 komanda (Avstriya turnirdən imtina edib)

1950 - 13 komanda (bəzi ölkələr yarışdan imtina edib)

1954 - 1978 – 16 komanda

1982 - 1994 – 24 komanda

1998 - 2022 – 32 komanda

2026 - 48 komanda

FIFA-nın açıqlamasına görə, bu genişlənmə futbolun bütün qitələrdə inkişafı və daha çox ölkənin mundial həyəcanını yaşaması məqsədi daşıyıb.

Mundialların ev sahibləri və mükafatçıları

1930 – Uruqvay

1. Uruqvay, 2. Argentina, 3. ABŞ

1934 - İtaliya

1. İtaliya, 2. Çexoslovakiya, 3. Almaniya

1938 - Fransa

1. İtaliya, 2. Macarıstan, 3. Braziliya

İkinci Dünya müharibəsi futbola da təsirsiz ötüşməyib. 1942 və 1946-cı illərdə dünya çempionatı keçirilməyib. Mundial yalnız 1950-ci ildə yenidən təşkil olunub.

1950 - Braziliya

1. Uruqvay, 2. Braziliya, 3. İsveç

1954 - İsveçrə

1. Qərbi Almaniya, 2. Macarıstan, 3. Avstriya

1958 - İsveç

1. Braziliya, 2. İsveç, 3. Fransa

1962 - Çili

1. Braziliya, 2. Çexoslovakiya, 3. Çili

1966 - İngiltərə

1. İngiltərə, 2. Qərbi Almaniya, 3. Portuqaliya

1970 - Meksika

1. Braziliya, 2. İtaliya, 3. Qərbi Almaniya

1974 - Qərbi Almaniya

1. Qərbi Almaniya, 2. Niderland, 3. Polşa

1978 - Argentina

1. Argentina, 2. Niderland, 3. Braziliya

1982 - İspaniya

1. İtaliya, 2. Qərbi Almaniya, 3. Polşa

1986 - Meksika

1. Argentina, 2. Qərbi Almaniya, 3. Fransa

1990 - İtaliya

1. Qərbi Almaniya, 2. Argentina, 3. İtaliya

1994 - ABŞ

1. Braziliya, 2. İtaliya, 3. İsveç

1998 - Fransa

1. Fransa, 2. Braziliya, 3. Xorvatiya

2002 - Cənubi Koreya və Yaponiya

1. Braziliya, 2. Almaniya, 3. Türkiyə

2006 - Almaniya

1. İtaliya, 2. Fransa, 3. Almaniya

2010 - Cənubi Afrika Respublikası

1. İspaniya, 2. Niderland, 3. Almaniya

2014 - Braziliya

1. Almaniya, 2. Argentina, 3. Niderland

2018 - Rusiya

1. Fransa, 2. Xorvatiya, 3. Belçika

2022 - Qətər

1. Argentina, 2. Fransa, 3. Xorvatiya

Ən çox çempion olan millilər

Braziliya - 5

Almaniya - 4

İtaliya - 4

Argentina - 3

Fransa - 2

Uruqvay - 2

İngiltərə - 1

İspaniya - 1

Braziliya bütün dünya çempionatlarının final mərhələsində iştirak edən yeganə millidir.

Dünya çempionatlarının 10 unudulmaz rekordu

1. Pele – üçqat dünya çempionu

Braziliyalı əfsanəvi futbolçu 1958, 1962 və 1970-ci illərdə dünya çempionu olub. O, futbol tarixində üç dəfə mundial qazanan yeganə oyunçudur.

2. Braziliya – ən titullu komanda

Braziliya millisi 5 dəfə dünya çempionu olub (1958, 1962, 1970, 1994, 2002). Bu göstərici hələ də rekord olaraq qalır.

3. Miroslav Kloze – mundialların bombardiri

Almaniyalı hücumçu Miroslav Kloze dünya çempionatlarında vurduğu 16 qolla tarixin ən yaxşı bombardiridir.

4. Just Fonten – qırılmayan rekord

Fransalı Just Fonten 1958-ci il mundialında 6 oyunda 13 qol vurub. Bir dünya çempionatında ən çox qol rekordu hələ də ona məxsusdur.

5. Lionel Messi – ən çox oyun keçirən futbolçu

Argentina millisinin kapitanı Lionel Messi mundiallarda 26 oyuna çıxaraq bu göstəricidə bütün futbolçuları geridə qoyub.

6. Pele – ən gənc dünya çempionu

1958-ci ildə Braziliyanın heyətində çempion olan Pele kuboku qazananda cəmi 17 yaş 249 günlük idi. Bu rekord indiyədək yenilənməyib.

7. Hakan Şükür – ən sürətli qol

Türkiyə millisinin sabiq hücumçusu Hakan Şükür 2002-ci ildə Cənubi Koreyaya qarşı oyunda cəmi 11 saniyəyə fərqlənib. Bu, mundiallar tarixinin ən sürətli qoludur.

8. Oleq Salenko – bir oyunda 5 qol

Rusiyalı Oleq Salenko 1994-cü ildə Kamerunla görüşdə 5 qol vuraraq bir mundial matçında ən çox qol vuran futbolçu olub.

9. Essam Əl-Hədari – ən yaşlı iştirakçı

Misir millisinin qapıçısı Essam Əl-Hədari 2018-ci ildə 45 yaş 161 günlüyündə meydana çıxaraq dünya çempionatlarının ən yaşlı futbolçusu adına sahib olub.

10. "Marakana" rekordu

1950-ci ildə Braziliya və Uruqvay arasında keçirilən həlledici qarşılaşmanı təxminən 174 min tamaşaçı stadiondan izləyib. Bu, dünya çempionatları tarixinin ən yüksək tamaşaçı göstəricisidir.

DÇ-2026: Yeni dövr başlayır

ABŞ, Kanada və Meksikanın birgə təşkil edəcəyi dünya çempionatı tarixdə ən böyük mundial olacaq. Turnirdə 48 komanda iştirak edəcək, 104 oyun keçiriləcək və çempion olmaq üçün komanda 8 görüşdən qalib ayrılmalı olacaq. Bu, həm iştirakçı sayı, həm də oyunların miqyası baxımından rekord göstəricidir.

1930-cu ildə Montevideoda başlayan dünya çempionatı yolu 96 il sonra Şimali Amerikada yeni mərhələyə qədəm qoyacaq. DÇ-2026 iyunun 11-dən iyulun 19-dək baş tutacaq.

Oxşar xəbərlər

Azərbaycan Ordusunda Novruz və Ramazan bayramları böyük təntənə ilə qeyd olunub

WUF13 yüksəksəviyyəli sessiyalar və rekord sayda iştirakçı ilə uğurla başa çatıb

Leyla Əliyeva, Arzu Əliyeva və Alyona Əliyeva "Təmiz Dünya" sığınacağındakı uşaqların bayram sevincinə şərik olublar

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Prezident İlham Əliyev Əfv Sərəncamı imzalayıb