İran parlamentinin sədri Məhəmmədbaqer Qalibaf ABŞ Prezidenti Donald Trampın İslam Respublikası ilə sülhü nəzərdə tutan memorandumla bağlı bəyanatlarını ziddiyyətli hesab edir.

"Far.Az" bu barədə "Tasnim" agentliyinə istinadən xəbər verir.

"ABŞ Prezidentinin memorandumla bağlı bəyanatları sənədin razılaşdırılmış hissələrinə zidd idi, bu da onu göstərir ki, onlar nə atəşkəs, nə də dialoq axtarışındadırlar", - İran parlamentinin sədri qeyd edib.

O əlavə edib ki, son gərginliklərin səbəbi atəşkəsin pozulması və dəniz blokadasıdır:

"Son gərginliklərə səbəb olan odur ki, amerikalılar həm İran xalqına qarşı dəniz blokadası ilə, həm də Livanda atəşkəsə əməl etməməklə razılaşmaları pozurlar".

Qeyd edək ki, ABŞ Prezidenti Donald Tramp "Truth Social" sosial şəbəkəsində İsrail və İrandan qarşılıqlı zərbələri dərhal dayandırmağı tələb edib. Bundan qısa müddət sonra İran tərəfi İsrailə zərbələrin dayandırıldığını bildirib. Bununla belə, İran Livanda eskalasiya olacağı təqdirdə, yeni hücumlarla hədələyib.

Buna baxmayaraq, İsrail Müdafiə Qüvvələri (İMQ) Livanın cənubunda "Hizbullah" silahlılarının ehtimal olunan obyektlərinin yerləşdiyi altı yaşayış məntəqəsinə aviazərbələr endirib.

Oxşar xəbərlər

Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Son iki saatda İrandan Azərbaycana daha 9 nəfər təxliyə olunub

Bu günə qədər Azərbaycan vasitəsilə İrandan 725 nəfər təxliyə olunub

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2