Şimali Kipr Türk Respublikasının Baş naziri Ünal Üstel Bakıda keçirilən Şimali Kipr Mədəniyyət Günləri çərçivəsində türk dünyasının birliyi, regional təhlükəsizlik və Kipr məsələsi ilə bağlı açıqlamalar verib.

Far.Az xəbər verir ki, bu barədə "Haber Global" telekanalı süjet hazırlayıb.

Ünal Üstel bildirib ki, ümummilli lider Heydər Əliyevin "bir millət, iki dövlət" fəlsəfəsi bu gün daha geniş məna kəsb edir.

"Biz eyni millətin fərqli coğrafiyalarda yaşayan övladlarıyıq. Bu əlaqəni bir cümlə ilə ifadə edirik: Bir millət, üç dövlət. Yəni Türkiyə, can Azərbaycan və Şimali Kipr", - deyə o vurğulayıb.

Baş nazir Türkiyə Prezidenti Rəcəb Tayyib Ərdoğan və Azərbaycan Prezidenti İlham Əliyevin türk dünyasının birliyinin möhkəmləndirilməsində mühüm rol oynadığını qeyd edib. Onun sözlərinə görə, Şimali Kiprin Türk Dövlətləri Təşkilatında müşahidəçi statusu alması hər iki liderin dəstəyi sayəsində mümkün olub.

Oxşar xəbərlər

Şəkidə "Ümummilli Lider Heydər Əliyev və Azərbaycanın mədəniyyət dəyərləri" mövzusunda tədbir keçirilib

"Ümummilli Lider Heydər Əliyev və Azərbaycanın mədəniyyət dəyərləri" mövzusunda konfrans keçirilib

Heydər Əliyev Fondunun dəstəyi ilə alınan musiqi alətlərinin təqdimatı olub

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Vətən müharibəsində Qələbənin beşinci ildönümünə həsr olunmuş Hərbi parad keçirilib