Azərbaycan ardıcıl olaraq açıq iqtisadiyyat və sahibkarlıq fəaliyyətinin təşviqi siyasətini həyata keçirir.

"Far.Az"un Daşkəndə ezam olunmuş müxbiri xəbər verir ki, bu barədə Azərbaycanın Baş naziri Əli Əsədov V Daşkənd Beynəlxalq İnvestisiya Forumunda deyib.

Hökumət başçısı vurğulayıb ki, son 20 il ərzində ölkə iqtisadiyyatına 350 milyard dollardan çox investisiya yatırılıb ki, bunun da demək olar ki, yarısı xarici investisiyaların payına düşüb.

"Ölkədə investorların hüquqlarının etibarlı müdafiəsini, investisiyaların toxunulmazlığı zəmanətini, kapitalın sərbəst hərəkətini və bütün bazar iştirakçıları üçün bərabər şərtləri təmin edən müasir qanunvericilik bazası formalaşdırılıb. Azərbaycanın mühüm rəqabət üstünlüyü onun Avrasiyanın əsas nəqliyyat marşrutlarının kəsişməsində yerləşən unikal coğrafi mövqeyidir. Ardıcıl olaraq həyata keçirilən infrastruktur layihələri ölkəmizi regionun ən mühüm nəqliyyat-logistika qovşaqlarından birinə çevirib", - deyə o bildirib.

Ə.Əsədov həmçinin qeyd edib ki, hazırda Azərbaycan müasir nəqliyyat infrastrukturunun, dəniz limanlarının, dəmir yolu və avtomobil magistrallarının inkişafına böyük həcmdə maliyyə vəsaiti yatırmağa davam edir, bu isə "regional əlaqələrin möhkəmləndirilməsinə və biznes imkanlarının genişləndirilməsinə töhfə verir".

Onun sözlərinə görə, yaşıl energetikanın inkişaf etdirilməsi də investisiyalar üçün perspektivli istiqamətdir: "Azərbaycan qarşısına milli enerji balansında bərpa olunan enerji mənbələrinin payını artırmaqla bağlı iddialı hədəflər qoyub. Günəş və külək enerjisi sahəsində irimiqyaslı layihələr həyata keçirilir, aparıcı beynəlxalq şirkətlər cəlb olunur və investorlar üçün yeni imkanlar yaradılır".

Oxşar xəbərlər

Prezident Davosda "Avrasiyanın iqtisadi özünəməxsusluğunun müəyyənləşdirilməsi" mövzusunda panel iclasında iştirak edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3