Azərbaycan və İsDB qarşıya qoyulan məqsədlərin icrasının qiymətləndirilməsi üçün kollektiv və sektorial əsasda əsas fəaliyyət göstəricilərinin (KPI) tətbiqini fəal şəkildə təşviq edir.

"Report" xəbər verir ki, bunu iqtisadiyyat naziri Mikayıl Cabbarov bankın 51-ci İllik Toplantıları çərçivəsində "Azərbaycan ev sahibi və əlaqələndirici kimi: yaşıl transformasiya, regional inteqrasiya və strateji tərəfdaşlıq" mövzusunda Müdirlər Şurasının sədri ilə dialoq sessiyasında deyib.

Nazir bildirib ki, ölçülə bilən, aydın və şəffaf göstəricilər layihələrin nəticələrinin obyektiv qiymətləndirilməsinə imkan yaradır: "Erkən mərhələdən müəyyən olunan KPI-lər icranın uğurunu ölçmək üçün neytral və anlaşılan meyarlar formalaşdırır. Eyni zamanda, onlar layihələrdən maksimum səmərə əldə olunmasına kömək edən motivasiyaedici mühit yaradır".

M. Cabbarov vurğulayıb ki, layihələrin icrası mərkəzləşdirilmiş yanaşma üzərində qurulmamalıdır: "Layihələr hansısa tərəfin iradəsi və ya imkanları hesabına deyil, inkişafı təşviq edən mexanizmlər kimi formalaşdırılmalıdır. Bu baxımdan özəl sektorun iştirakı və özəl sektor layihələri ən uyğun modeldir. Dövlət və beynəlxalq maliyyə institutları tərəfindən həyata keçirilən layihələrdə özəl sektorun fəal iştirakı uzunmüddətli və dayanıqlı nəticələrin əldə edilməsinə imkan verir".

Oxşar xəbərlər

Leyla Əliyeva "Mənzərəyə açılan ev" mövzusunda qrup sərgisində iştirak edib

Arzu Əliyeva və Alena Əliyeva "Rənglərdə yaşanan 10 il" mövzusunda keçirilən sərgidə iştirak ediblər

Prezident İlham Əliyev Mərkəzi Bankın yeni binasının açılışında iştirak edib

Mərkəzi Bank tərəfindən media nümayəndələri üçün "Kapital bazarlarının əsasları" mövzusunda təlim keçirilib

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib